മസ്കറ്റ് : കോവിഡ് ബാധിച്ച് ചികിത്സയിലിരുന്ന മലയാളി ഡോക്ടർ മരിച്ചു. കോട്ടയം ചങ്ങനാശേരി പെരുന്ന സ്വദേശി രാജേന്ദ്രൻ നായർ (76) ആണ് റോയൽ ആശുപത്രിയിൽ ചികിത്സയിലിരിക്കെ മരിച്ചത്. ഒമാനിലെ ആറാമത്തെ കോവിഡ് മരണമാണിത്. 40 വർഷത്തിലധികമായി ഒമാനിലുള്ള ഇദ്ദേഹം റൂവി ഹൈസ്ട്രീറ്റിലെ ക്ലിനിക്ക് ഉടമയായിരുന്നു. കോവിഡ് ലക്ഷണങ്ങളെ തുടർന്ന് അൽ നഹ്ദ ആശുപത്രിയിൽ ചികിത്സ തേടിയ ഇദ്ദേഹത്തെ സ്ഥിതി ഗുരുതരമായതിനെ തുടർന്ന് റോയൽ ആശുപത്രിയിലെ തീവ്ര പരിചരണ വിഭാഗത്തിലേക്ക് രണ്ടാഴ്ച മുൻപ് മാറ്റുകയായിരുന്നു. സാധാരണ ക്കാരായ പ്രവാസികൾക്ക് കുറഞ്ഞ ചെലവിൽ ചികിത്സ ലഭിച്ചിരുന്ന സ്ഥലമാണ് ഇദ്ദേഹത്തിന്‍റെ ക്ലിനിക്ക്. അതിനാൽ ജനകീയ ഡോക്ടർ എന്നാണ് ഇദ്ദേഹം അറിയപ്പെട്ടിരുന്നത്. കുറഞ്ഞ വരുമാനക്കാരും ഇൻഷൂറൻസ് ഇല്ലാത്തവരുമായ നിരവധി മലയാളികളടക്കം ഇദ്ദേഹത്തിന്‍റെ ക്ലിനിക്കിലായിരുന്നു ചികിത്സക്കെത്തിയിരുന്നത്. പലപ്പോഴും പണം വാങ്ങാതെയും ഇദ്ദേഹം രോഗികളെ ചികിൽസിച്ചിരുന്നു .വെള്ളിയാഴ്ച വൈകിട്ട് 4.50ഓടെയായിരുന്നു മരണം.
ഗൾഫ് പത്രത്തിന്റെ ആദരാജ്ഞലികൾ
