മനാമ- യൂത്ത് ഇന്ത്യ ബഹ്‌റൈൻ സംഘടിപ്പിക്കുന്ന മെഡിക്കൽ ഫെയർ രണ്ടാം എഡിഷൻ ‘മെഡിക്കൽ ഫെയർ 2.0’ പോസ്റ്റർ പ്രകാശനം ചെയ്തു.ഫ്രണ്ട്സ് സോഷ്യൽ അസോസിയേഷൻ പ്രസിഡന്റ് സഈദ് റമദാൻ നദ് വി ,യൂത്ത് ഇന്ത്യ പ്രസിഡന്റ് അനീസ് വി.കെ , മെഡിക്കൽ ഫെയർ കമ്മറ്റി അംഗങ്ങളായ സാജിർ , ബാസിം , ഷുഹൈബ് ,ഇജാസ് , യൂനുസ് സലിം എന്നിവർ ചേർന്നായിരുന്നു പ്രകാശനം നടത്തിയത് . ഡിസംബർ 1 വെള്ളിയാഴ്ച ഇന്ത്യൻ സ്കൂളിൽ വെച്ച് രാവിലെ 8 മണി മുതൽ രാത്രി 8 മണി വരെ നടക്കുന്ന മെഡിക്കൽ ഫെയറിൽ മെഡിക്കൽ എക്സിബിഷൻ , മെഡിക്കൽ ക്യാമ്പ് , കൗൺസലിങ് , അവേർനസ് ക്ലാസ് എന്നിവ ഉണ്ടായിരിക്കുമെന്ന് സംഘാടകർ അറിയിച്ചു.രജിസ്ട്രേഷനും മറ്റ് വിശദ വിവരങ്ങൾക്കും 36608476 എന്ന നമ്പറിൽ ബന്ധപ്പെടാവുന്നതാണെന്ന് മെഡിക്കൽ ഫെയർ കൺവീനർ ജുനൈദ് പി പി അറിയിച്ചു.
