ദുബൈ :കൊടുങ്ങല്ലൂർ, മേത്തല പ്രവാസി കൂട്ടായ്മ മേളയുടെ വാർഷിക ആഘോഷങ്ങളുടെ സ്വാഗതസംഘം രൂപീകരണം മുഹൈസിനയിൽ വെച്ച് നടന്നു. 2022 നവംബർ 6 ന് രാവിലെ 9മണി മുതൽ വൈകീട്ട് 5മണി വരെ അജ്മാൻ ഇന്ത്യൻ ഇൻ്റർനാഷണൽ സ്കൂളിൽ വെച്ച് വിവിധ കലാസാംസ്കാരിക പരിപാടികളോടെയാണ് മേളയുടെ വാർഷിക ആഘോഷങ്ങൾ നടക്കുക. യുഎഇ യിലുള്ള എല്ലാ മേത്തലക്കാരെയും ഉൾപ്പെടുത്തിക്കൊണ്ട് വളരെ വിപുലമായ പരിപാടികളാണ് ഇത്തവണ നടക്കുക.പ്രവാസ ലോകത്ത് 25 വർഷം പൂർത്തിയാക്കുന്ന മുതിർന്ന അംഗങ്ങളെയും, വിവിധ പരീക്ഷകളിൽ ഉന്നത വിജയം കരസ്ഥമാക്കിയ വിദ്യാർത്ഥികളെയും ഈ ചടങ്ങിൽ ആദരിക്കും.പ്രശസ്ത ചിത്രകാരൻ ശ്രീ. ഡാവിഞ്ചി സുരേഷിൻ്റെ ചിത്രകലാശാലയും, മേത്തലയിൽ നിന്നുള്ള കലാകാരന്മാരുടെ പരിപാടികളും മേളോത്സവത്തിൻ്റെ മാറ്റ് കൂട്ടും.യുഎഇ യിലുള്ള എല്ലാ മേത്തലക്കാരെയും ഈ പരിപാടിയിലേക്ക് സ്വാഗതം ചെയ്യുന്നതായി പ്രസിഡൻ്റ് മുരളീധരൻ തയ്യിൽ അറിയിച്ചു.
