ദോഹ∙ സ്വരമേളയ്ക്കു സാക്ഷ്യം വഹിക്കാന്‍ ഖത്തർ ഒരുങ്ങുന്നു. ജനഹൃദയങ്ങളിൽ ചേക്കേറിയ വാനമ്പാടി കെ.എസ്.ചിത്രയും ഈണം കൊണ്ട് മനം നിറച്ച ശരത്തും ഒപ്പം ഗായകരായ കെ.കെ നിഷാദും നിത്യ മാമ്മനും ഒരുമിച്ചെത്തുന്ന ‘ഇന്ദ്രനീലിമ’ സംഗീതനിശ സെപ്റ്റംബർ 16ന് അൽ അറബി സ്പോർട്സ് ഇൻഡോർ ഹോളിൽ വൈകിട്ട് 6:30ന് നടക്കും. മലയാള മനോരമയുടെ സഹകരണത്തോടെ ഫെഡറൽ ബാങ്ക് ആണ് ഇന്ദ്രനീലിമ സംഗീതനിശ സംഘടിപ്പിക്കുന്നത്. ഖത്തറിലെ ജനപ്രിയ എ‌ഫ്എം ആയ റേഡിയോ സുനോയുമായി സഹകരിച്ചാണ് പരിപാടി. നീണ്ട ഇടവേളയ്ക്കു ശേഷമാണ് ഖത്തർ ഇത്തരമൊരു സംഗീത പരിപാടിക്കു സാക്ഷ്യം വഹിക്കുന്നത്.
