കൊച്ചി. നെടുമ്പാശ്ശേരി വിമാനത്താവളത്തില്‍ വന്‍തോതില്‍ ലഹരി വസ്തുക്കളുമായി മലയാളി അറസ്റ്റില്‍. വിദേശത്ത് നിന്ന് എത്തിയയാളില്‍ നിന്ന് 60 കോടി രൂപ വരുന്ന 30 കിലോ മെഥാക്വിനോള്‍ ആണ് പിടികൂടിയത്. ബാഗേജില്‍ പ്രത്യേകം അറയിലായിരുന്നു ലഹരി മരുന്നുകള്‍.സിംബാബ്വെയില്‍ നിന്ന് വന്ന പാലക്കാട് സ്വദേശി മുരളീധരന്‍ നായര്‍ ആണ് അറസ്റ്റിലായത്. സിംബാബ്വെയില്‍ നിന്ന് ദോഹ വിമാനത്താവളം വഴിയാണ് ഇയാള്‍ കൊച്ചിയില്‍ ഇറങ്ങിയത്. ഇവിടെ നിന്ന് വിമാനത്തില്‍ ഡല്‍ഹിയിലേക്ക് പോകുകയായിരുന്നു ലക്ഷ്യം. ആര്‍ക്ക് വേണ്ടിയാണ് കൊച്ചി വിമാനത്താവളം വഴി ലഹരി കടത്തിയതെന്ന് നാരക്കോട്ടിക്സ് വിഭാഗം അന്വേഷിച്ചു വരികയാണ്.
