നിരണം : ഒരു ഗ്രാമം ഒന്നടങ്കം ഇപ്പോൾ ആവേശ തിമിർപ്പിലാണ് . നിരവധി ചരിത്രങ്ങൾക്കു പേരുകേട്ട ഗ്രാമം” നിരണം “പത്തനംതിട്ട ജില്ലയിലെ തിരുവല്ല താലൂക്കിൽ പടിഞ്ഞാറേ അറ്റത്തായി സ്ഥിതി കൊള്ളുന്ന ഗ്രാമം . പ്രാചീനതയിലും സാംസ്കാരികമഹിമയിലും മുൻപന്തിയിൽ നിൽക്കുന്ന കേരളഗ്രാമങ്ങളിലൊന്ന് തന്നെ ആണ് ഈ ഗ്രാമം എന്ന് തന്നെ പറയാം .തോമാശ്ലീഹാ സ്ഥാപിച്ച “നിരണം പള്ളിയും ” നൂറ്റെട്ട് ശിവക്ഷേത്രങ്ങളിലൊന്നായ “തൃക്കപാലീശ്വരം ക്ഷേത്രവും” നിരണം കവികൾ എന്നറിയപ്പെടുന്ന കണ്ണശ്ശന്മാരുടെ ജന്മസ്ഥലം എന്ന നിലയിലും നിരണം ഇതിനാൽ പ്രശസ്തമാണ് . ചരിത്ര കാരന്മാരുടെ അഭിപ്രായത്തിൽ ഈ പ്രദേശത്തിന്റെ ആദ്യകാലനാമം നീർമ്മണ്ണ് എന്നായിരുന്നു . രണം (യുദ്ധം) ഇല്ലാതെ, പരസ്പരം മൈത്രിയോടെ കഴിയുന്ന ശാന്തഭൂമി എന്ന അർത്ഥത്തിലാണ് ഈ പ്രദേശത്തിന്ന് നിരണം എന്ന പേര് ലഭിച്ചത് എന്ന അഭിപ്രായവും നില നില്കുന്നു . ആ മത മൈത്രി വീണ്ടും ഉറപ്പിച്ചിരിക്കുകയാണ് നിരണം എന്ന ദേശം കളി വള്ളമായ . “നിരണം ചുണ്ടൻറ്റെ നിർമാണത്തിൽ കൂടി .നിരണം എന്ന ഗ്രാമവും സമീപ പ്രദേശങ്ങളും വള്ളം കളിക്കും വള്ളം കളി പ്രേമികൾക്കും പേരുകേട്ടതാണ് . ഒരു നാടിൻറെ വികാരമാണ് വള്ളം കളിയിലൂടെ തുറന്നു കാട്ടുന്നത് .
കളി വള്ളങ്ങൾ ആയ ജ്യോതി (വെപ്പ് എ ) ,പുന്നത്രപുരക്കൽ (വെപ്പ് ഗ്രേഡ് ബി)പുത്തൻ പറമ്പിൽ (ചുരുളൻ )കാലയവനിയ ക്കുള്ളിൽ മറഞ്ഞ ഓടി വള്ളമായ തേവേരിൽ. എന്നി വള്ളങ്ങളും നിരണം പ്രദേശങ്ങളിൽ നിന്നുള്ളവയാണ് . കൂടാതെ ചുണ്ടൻ വള്ളമായ വീയപുരം ചുണ്ടനും വെപ്പ് എ വള്ളങ്ങളായ പട്ടേരി പുരക്കൽ , ജയ് ഷോട്ട് , പൂഴിക്കടവൻ , വേണു ഗോപാൽ , വരികളം , മണലി, ഇരുട്ടുകുത്തി വള്ളങ്ങൾ ആയ സൂര്യ (ഇരുട്ടുകുത്തി എ ) ജലറാണി (ഇരുട്ടുകുത്തി ബി ) ചുരുളൻ വള്ളമായ പുരക്കൽ എന്നിവയും നിരണം സമീപ പ്രദേശത്തും നിന്നുള്ളവയാണ് . വള്ളം കളിയിലെ രാജാവായ ചുണ്ടൻ വള്ളം വേണമെന്ന ആവിശ്യം ഇപ്പോൾ നിറവേറ്റാൻ ഉള്ള ശ്രമത്തിൽ ആണ് നിരണം എന്ന ഗ്രാമത്തിലെ പ്രദേശവാസികൾ ഒന്നടങ്കം . ജനകീയ കൂട്ടായ്മയിലൂടെ നിർമാണം തുടങ്ങിയിരിക്കുന്ന നിരണം ചുണ്ടൻറ്റെ ഉളി കുത്തൽ കർമം പെരുന്തച്ചൻ ഉമാ മഹേശ്വർ കഴിഞ്ഞ വ്യാഴാഴ്ച ഇരതോട് പുത്തൻ പറമ്പിൽ ഒരുക്കിയിട്ടുള്ള മാലി പുരയിൽ നിർവഹിച്ചു . നൂറ്റി ഇരുപത്തി എട്ടു അടി ആണ് ചുണ്ടന്റെ നീളം കണക്കാക്കിയിരിക്കുന്നത് . പൊൻകുന്നത് നിന്നും ഇരുപതു ഇഞ്ചു വണ്ണവും അമ്പതു അടി നീളവും ഉള്ള നാലു ആഞ്ഞിലി തടികൾ ആണ് നിർമാണത്തിനായി ഉപയോഗിക്കുന്നത് . ആവേശകരമായ വലിയ സ്വീകരണം തന്നെ ആണ് നിരണം പ്രദേശ വാസികൾ തടി കൊണ്ട് വന്നപ്പോൾ ഒരുക്കിയത് . 
ഒരു വലിയ സമിതി തന്നെ ആണ് വള്ളം നിർമാണത്തിന് പിന്നിൽ പ്രവർത്തിക്കുന്നത് . അംബാസിഡർ നിരണം രാജൻ , റെവ : തോമസ് പുരക്കൽ രക്ഷാധികാരി , റെജി അടിവക്കൽ പ്രസിഡന്റ് , റോബി തോമസ് , അലക്സ് പനക്കാമറ്റം വൈസ് പ്രസിഡന്റ് മാരായും , അജിൽ പുരക്കൽ സെക്രട്ടറി , അനിൽ കിണറ്റുംകര , രതീഷ് കുമാർ ജോയിന്റ് സെക്രട്ടി മാരായും , ജോബി ആലപ്പാട് ട്രെഷർ , റെന്നി തേവേരിൽ ഫിനാൻസ് കൺട്രോളർ , ജോബി ഡാനിയേൽ , അമൽ തോമസ് , ലെനിൻ പി ബാബു , കോർഡിനേറ്റർ മാരായും കൂടാതെ പതിനാല് എക്സികുട്ടീവ് അംഗങ്ങളും ,ഇരുപത്തി ഒന്ന് ജനറൽ കമ്മിറ്റി യും വള്ള നിർമാണത്തിനായി പ്രവർത്തിക്കുന്നു .
ഏഴുമാസം കൊണ്ട് നിർമാണം പൂർത്തി ആക്കം ഉദ്ദേശിച്ചിരുന്ന നിരണം ചുണ്ടന് ഒരു കോടി മുപ്പതു ലക്ഷം രൂപ ചിലവ് പ്രതീക്ഷിക്കുന്നുണ്ട് . അയ്യായിരം മുതൽ അഞ്ചു ലക്ഷം രൂപ വരെ ഷെയർ സ്വരൂപിച്ചാണ് വള്ള നിർമാണത്തിന്റെ ചിലവ് കണ്ടെത്തുന്നത് . ഷെയർ എടുത്തവർ ആണ് സമിതി അംഗങ്ങൾ ആകുന്നത് . നിരണം പ്രദേശ വാസികളായ പ്രവാസികളും ഇതിനോടകം നിരവധി ഷെയർ എടുത്തിട്ടുണ്ട് .
നിരണം ഓൺലൈൻ പത്രത്തിൽ 2021 സെപ്തംബർ മാസം 17 ന് നിരണം സ്വദേശി ആയ റോബി തോമസ് എന്ന അദ്ധ്യാപകൻ ഇട്ട പോസ്റ്റാണ് വള്ളം നിര്മിക്കുന്നതിലേക്കു നയിച്ചത് ” അപ്പുറത്ത് കരുവാറ്റ ചുണ്ടനും , ഇപ്പുറത്ത് വീയപുരം ചുണ്ടനും ഉണ്ട് . നമുക്കും വേണ്ടേ ഒരു ചുണ്ടൻ . ഈ ഫേസ്ബുക്ക് പോസ്റ്റ് കണ്ട് പ്രതികരിച്ച പ്രദേശ വാസികളുടെ വാട്സപ്പ് കൂട്ടായ്മയാണ് പൊതുയോഗം ചേരുവാനും വള്ള സമിതി രജിസ്റ്റർ ചെയ്യുവാനും കാരണമായത് .
നിരണം എന്ന നാടിൻറെ പേരും പെരുമയും കൂടുതൽ പ്രശസ്തിയിലേക്ക് എത്തിക്കുക എന്ന സാക്ഷാത്കാരമാണ് ജില്ലയിലെ ആദ്യ ചുണ്ടൻ വള്ളമായ ” നിരണം ചുണ്ടനിലൂടെ” ഈ ജനകീയ കൂട്ടായ്മ ലക്‌ഷ്യം വക്കുന്നത് .
