മസ്കറ്റ്: ഒമാനിൽ 174 പേർക്ക് കൂടി കോവിഡ് 19 സ്ഥിരീകരിച്ചു. ഇതോടെ രാജ്യത്തെ മൊത്തം കോവിഡ് ബാധിതരുടെ എണ്ണം 3573 ആയി. പുതിയ രോഗികളിൽ 138 പേർ വിദേശികളും 36-പേർ സ്വദേശികളുമാണ്. രോഗമുക്തി നേടിയവരുടെ എണ്ണം1211 ആയി ഉയർന്നിട്ടുമുണ്ട്. ഇന്നുമാത്രം 94 പേർ സുഖംപ്രാപിച്ചിട്ടുണ്ട്.2362 പേരാണ് ഇപ്പോൾ അസുഖബാധിതരായിട്ടുള്ളത്. മലയാളിയടക്കം ചികിത്സയിലിരുന്ന 17 പേർ മരണപ്പെട്ടു. പുതിയ രോഗികളിൽ 133 പേർ മസ്കത്ത് ഗവർണറേറ്റിൽ നിന്നുള്ളവരാണ്.
