മസ്കറ്റ് : കഴിഞ്ഞ 24 മണിക്കൂറിനിടെ ഒമാനിൽ കോവിഡ് രോഗം ഭേദമായത് 1,311 പേർക്ക് പുതിയ രോഗബാധിതരുടെ എണ്ണത്തിന്റെ ഇരട്ടിയിലേറെ പേർ സുഖംപ്രാപിച്ചത് വലിയ നേട്ടമായി ആരോഗ്യവകുപ്പ് കാണുന്നു.അസുഖം സുഖപ്പെട്ടവരിൽ 1211 പേരും മസ്കത്ത് ഗവർണറേറ്റിലുള്ളവരാണ്. ഇതിൽ മത്രയിലുള്ള 738 പേരും സീബ് വിലായത്തിലുള്ള 271 പേരും രോഗ മുക്തരായി. ബോഷറിൽ 57ഉം അമിറാത്തിൽ 44 ഉം മസ്കത്തിൽ 12 പേരും രോഗ മുക്തരായിട്ടുണ്ട്. മസ്കത്തിന് പുറത്ത് വടക്കൻ ബാത്തിനയിലാണ് കൂടുതൽ പേർ സുഖപ്പെട്ടത്, 161 പേർ. തെക്കൻ ബാത്തിനയിൽ 65 പേരും സാഖിലിയയിൽ 63 പേരും രോഗ മുക്തരായി.
