മനാമ : ബഹ്‌റിനിലെ പത്തനംതിട്ട ജില്ലയിൽ നിന്നുമുള്ള പ്രവാസികളുടെ കൂട്ടായ്മയായ പത്തനംതിട്ട പ്രവാസി അസോസിയേഷൻ സെപ്റ്റംബർ 23 ന് കെസിഎ ഹാളിൽ വെച്ചു
(രാവിലെ 08:30 മുതൽ വൈകിട്ട് 04:00 മണി വരെ) ഓണാഘോഷം സംഘടിപ്പിക്കുന്നു.
വിവിധ കലാ കായിക സാംസ്കാരിക പരിപാടികളും വിഭവ സമൃദ്ധമായ ഓണ സദ്യയുൾപ്പടെ ഉള്ള നിരവധി പ്രോഗ്രാമുകൾ ആണ് ഈ ഓണാഘോഷനാളുകളിൽ ആസ്വാദകർക്കായി ഒരുക്കിയിരിക്കുന്നത്.
ജയേഷ് കുറുപ്പ് ജനറൽ കൺവീനറും, രഞ്ജു ആർ അങ്ങാടിക്കൽ ജോയിന്റ് കൺവീനറും, ബോബി പുളിമൂട്ടിൽ പ്രോഗ്രാം കമ്മിറ്റി ഇൻ ചാർജും, വർഗീസ് മോടിയിൽ ഫിനാൻസും സ്പോൺസർഷിപ് കമ്മിറ്റി ഹെഡ് ആയും, മോൻസി ബാബു ഓണസദ്യ കൺവീനറും, അസോസിയേഷൻ പ്രസിഡന്റ് വിഷ്ണു. വി, സെക്രട്ടറി സുഭാഷ് തോമസ്, രക്ഷാധികാരി സക്കറിയ സാമുവേൽ, വൈസ് പ്രസിഡന്റ് രാജീവ് പി മാത്യു, ജോയിന്റ് സെക്രെട്ടറി എബിൻ തെക്കേമല, ജോബിൻ രാജു, ലേഡീസ് വിങ് കൺവീനർ സിജി തോമസ് തുടങ്ങിയവർ ആണ് പ്രോഗ്രാം കോഓർഡിനേറ്റർമാരായി പ്രവർത്തിക്കുന്നത്.
പ്രശസ്ത പിന്നണി ഗായകൻ കലാഭവൻ ബിനുവും, യുവസംഗീത പ്രതിഭ അനീഷ് അനസും അവതരിപ്പിക്കുന്ന ഗാനമേള , കൂടാതെ ഒപ്പന, നാടൻ പാട്ട്, തിരുവാതിര, അത്തപ്പൂക്കളം, സിനിമാറ്റിക്‌ ഡാൻസ്, വടംവലി, ഉറിയടി, മാജിക് ഷോ തുടങ്ങിയ മറ്റ് അനേകം ഓണാഘോഷ ഇനങ്ങളും, വിഭവ സമൃദ്ധമായ ഓണസദ്യയും അടങ്ങിയ ഒരു ആഘോഷമാണ് ഈ ഓണാഘോഷനാളിൽ ഉൾപ്പെടുത്തിയിരിക്കുന്നത്‌.
കൂടുതൽ വിവരങ്ങൾക്ക് 39889317, 34367281 ൽ ബന്ധപ്പെടുക.
