മനാമ : ബഹ്‌റൈനിലെ ഇന്ത്യൻ എംബസിയുടെ രക്ഷാകർതൃത്വത്തിൽ സംസ്കൃതി ബഹ്‌റൈൻ, ജിസിസിയിലെയും ഇന്ത്യയിലെയും ഇന്ത്യൻ വിദ്യാർത്ഥികൾക്കായി ഓൺലൈൻ സ്‌പീച്ച് കോണ്ടസ്റ്റ് സംഘടിപ്പിക്കുമെന്ന് അധികൃതർ വാർത്താ സമ്മേളനത്തിൽ അറിയിച്ചു. “ആത്മ നിർഭർ ഭാരത്” എന്നപേരിൽ നടത്തുന്ന പരുപാടിയിൽ ആയിരത്തിൽ അധികം വിദ്യാർത്ഥികൾ പങ്കെടുക്കുമെന്നും അധികൃതർ വ്യക്തമാക്കി.പത്തു മുതൽ പതിനാലു വയസുവരെയും ഒന്നാം വിഭാഗത്തിലും പതിനാലു മുതൽ പതിനെട്ടു വയസുവരെ രണ്ടാം വിഭാഗമായും ആണ് മത്സരത്തിൽ പങ്കെടുക്കേണ്ടത്. ജിസിസി യിൽ ഉള്ള ഇന്ത്യൻ വിദ്യാർത്ഥികൾക്കാണ് മത്സരം നടത്തുന്നത്. സൗജന്യ രജിസ്ട്രേഷൻ ഈ മാസം മുപ്പത്തി ഒന്നിന് അവസാനിക്കും. ആദ്യ റൗണ്ട് ഏപ്രിൽ 8 മുതൽ 10 വരെ നടക്കും. രജിസ്ട്രേഷൻ അടക്കമുള്ള കൂടുതൽ വിവരങ്ങൾക്ക്
https://forms.gle/P7Rq3aarZXDRmjd7 എന്ന ലിങ്കിൽ ലഭ്യമാകും. സംസ്കൃതി വൈസ് പ്രസിഡന്റ്‌ പങ്കെജ് മാലിക്
,ജനറൽ സെക്രട്ടറി ഋതിൻ രാജ്,ജനറൽ കൺവീനർ സോയി പോൾ,സുധീർ തെക്കേടത് എന്നിവർ വാർത്താ സമ്മേളനത്തിൽ അറിയിച്ചു.
