ഒരു മാസത്തിനുള്ളിൽ 200-ലധികം ഡെലിവറി മോട്ടോർ സൈക്കിളുകൾ പിടിച്ചെടുത്തു

ബഹ്‌റൈൻ : ഒരു മാസത്തിനുള്ളിൽ റോഡ് സുരക്ഷാ നിയമം പാലിക്കാത്ത 200-ലധികം ഡെലിവറി മോട്ടോർ സൈക്കിളുകൾ പിടിച്ചെടുത്തതായി ട്രാഫിക് മന്ത്രാലയം അറിയിച്ചു . നിയമം നടപ്പാക്കുന്നതിലും ഗതാഗത സുരക്ഷ കൈവരിക്കുന്നതിന്റെ ഭാഗമായും ആണ് ഡെലിവറി സേവനങ്ങൾക്കായി റെസ്റ്റോറന്റുകളുടെയും കമ്പനികളുടെയും 200 ലധികം മോട്ടോർസൈക്കിളുകൾ നിരീക്ഷിച്ചു നിയമനടപടികൾ ട്രാഫിക് മന്ത്രാലയത്തിന്റെ നേതൃത്വത്തിൽ സ്വീകരിച്ചിരിക്കുന്നത് . റോഡ് നിയമ ലംഘനം , മറ്റുള്ളവരുടെ അവകാശ ലംഘനം , അപകടം ഉണ്ടാക്കുക തുടങ്ങി പരാതികൾ പ്രകാരം 30 ദിവസത്തെ കാലയളവിലേക്കാണ് ബൈക്കുകൾ പിടിച്ചെടുത്തിരിക്കുന്നത്‌ . റോഡ് അപകടങ്ങളിൽ നിരവധി ഡെലിവറി ബൈക്കുകളിൽ സഞ്ചരിച്ചവർക്കു ജീവ ഹാനി സംഭവിച്ചിരുന്നു .നിരവധി പരാതികൾ ആണ് ട്രാഫിക് നിയമ ലംഘനവുമായി ട്രാഫിക് വിഭാഗത്തിന് ലഭിച്ചത് . മറ്റുള്ളവരുടെ അവകാശങ്ങളുടെ ലംഘനവും ഗതാഗത തടസ്സവും സൃഷ്ട്ടിക്കുന്ന എല്ലാ ലംഘനങ്ങളും നിരീക്ഷിക്കുന്നത് തുടരുകയാണെന്ന് ജനറൽ ട്രാഫിക് ഡിപ്പാർട്ട്‌മെന്റ് അറിയിച്ചു, സുരക്ഷയും താൽപ്പര്യങ്ങളും സംരക്ഷിക്കുന്നതിനായി എല്ലാ ഡ്രൈവർമാരും ട്രാഫിക് നിയമങ്ങളും നിയമങ്ങളും കർശനമായി പാലിക്കണമെന്നും ട്രാഫിക് മന്ത്രാലയം നിർദേശം നൽകി.