ദുബായ്: 1971-ല്‍ ജനിച്ച താമസക്കാര്‍ക്ക് ഇത് സുവര്‍ണാവസരം. 1971 ല്‍ ജനിച്ചവര്‍ക്ക് ദുബായില്‍ സൗജന്യ ഷോപ്പിംഗ് ആസ്വദിക്കാന്‍ അവസരം ലഭിക്കും. യുഎഇയുടെ സുവര്‍ണ ജൂബിലി ആഘോഷങ്ങള്‍ പ്രമാണിച്ചാണ് നടപടി. യുഎഇയുടെ 50-ാം വാര്‍ഷികത്തിന്റെ തലേദിവസം 100 ദിവസത്തെ പ്രമോഷണല്‍ ക്യാമ്പെയ്ന്റെ ഭാഗമായി 1971-ല്‍ ജനിച്ച ഷോപ്പര്‍മാര്‍ക്ക് സൗജന്യ ഷോപ്പിംഗിനായി അഫ്ദല്‍ കാര്‍ഡ് സമ്മാനമായി നല്‍കുമെന്ന് യുഎഇയിലെ ഏറ്റവും വലിയ ഹൈപ്പര്‍മാര്‍ക്കറ്റുകളിലൊന്നായ യൂണിയന്‍ കോപ്പ് അറിയിച്ചു.യുഎഇയിലെ വാർത്തകളും വിവരങ്ങളും തത്സമയം അറിയുവാൻ വാട്ട്‌സ്ആപ്പ് ഗ്രൂപ്പിൽ അംഗമാകുക.
ആയിരക്കണക്കിന് സാധനങ്ങളുടെ വില കുറയ്ക്കുന്നതിനും പ്രൊമോഷണല്‍ കാമ്പെയ്ന്‍ കാലയളവില്‍ ഉപഭോക്താക്കള്‍ക്ക് മറ്റ് വിവിധ സമ്മാനങ്ങള്‍ വാഗ്ദാനം ചെയ്യുന്നതിനും റീട്ടെയില്‍ മേജര്‍ 50 മില്യണ്‍ ദിര്‍ഹം അനുവദിക്കുകയും ചെയ്യുന്നുണ്ട്. 100 ദിവസത്തെ പ്രമോഷണല്‍ കാമ്പെയ്ന്‍ 2021 നവംബര്‍ 10-നാണ് ആരംഭിക്കുന്നത്. 50 ഷോപ്പര്‍മാര്‍ക്ക് സ്മാര്‍ട്ട്‌ഫോണുകള്‍ നേടാനും 50 പേര്‍ക്ക് സ്വര്‍ണ്ണ ബാറുകള്‍ നേടാനും 50 പേര്‍ക്ക് മൗണ്ടന്‍ ബൈക്കുകള്‍ നേടാനും അവസരമുണ്ട്. 50 ഷോപ്പര്‍മാര്‍ക്കും തമയസ് പോയിന്റുകളും ലഭിക്കും. അഫ്ദല്‍ കാര്‍ഡിലെ ഫണ്ടുകളുടെ മൂല്യം എത്രയാണെന്ന് വ്യക്തമാക്കിയിട്ടില്ല.
