മസ്‌കറ്റ്. മസ്‌കത്ത് ഗവർണറേറ്റിലെ ഉൾനാടൻ പ്രദേശമായ സായ ടൗണിൽ താമസിക്കുന്നവർക്ക് ഒമാൻ റോയൽ എയർഫോഴ്സ് ഉപഭോഗവസ്തുക്കൾ എത്തിച്ചു. ഖുറിയാത്തിലെ വിലായത്തിലെ മലകൾ നിറഞ്ഞ ഒരു ഗ്രാമം ആണ് സായ. മലകളിൽ താമസിക്കുന്ന ഗ്രാമീണർക്ക് ഉപഭോഗവസ്തുക്കൾ എത്തിക്കുന്ന ജോലി സുഗമമാക്കാനാണ് റോയൽ എയർഫോഴ്സ് ഓഫ് ഒമാൻ, റോയൽ ആർമി ഓഫ് ഒമാൻ ഇക്കാര്യം ഏറ്റടുത്ത് . സുൽത്താന്റെ സായുധ സേനയും പ്രതിരോധ മന്ത്രാലയത്തിലെ മറ്റ് വകുപ്പുകളും മറ്റ് സർക്കാർ സ്ഥാപനങ്ങൾക്കൊപ്പം ഒമാൻ പൗരന്മാർക്ക് നൽകുന്ന കരുതലിന്റെ ഭാഗമായാണ് ഇത്.
