മനാമ : ഹൃസ്വസന്ദർശനാർത്ഥം ബഹ്‌റൈനിൽ എത്തിയ കെഎംസിസി ബഹ്‌റൈൻ പാലക്കാട്‌ ജില്ലാ സെക്രട്ടറി മാസിൽ പട്ടാമ്പിയുടെ പിതാവും തിരുവേഗപ്പുറ തെക്കുമല തഖ്‌വ മസ്ജിദ് വൈസ് പ്രസിഡന്റുമായ വി.ടി കുഞ്ഞിമുഹമ്മദ് എന്ന കുഞ്ഞാവക്ക് കെഎംസിസി പാലക്കാട്‌ ജില്ലാ കമ്മിറ്റി മനാമ കെഎംസിസി ഹാളിൽ സ്വീകരണം നൽകി. പ്രസിഡന്റ് ശറഫുദ്ധീൻ മാരായമംഗലത്തിന്റെ അധ്യക്ഷതയിൽ ചേർന്ന സ്വീകരണ യോഗം കെഎംസിസി സ്‌റ്റേറ്റ് സെക്രട്ടറി റഫീഖ് തോട്ടക്കര ഉദ്ഘാടനം ചെയ്തു സംസാരിച്ചു.
ജില്ലാ ആക്റ്റിംഗ് ജനറൽ സെക്രട്ടറി വിവി ഹാരിസ് തൃത്താല , ട്രഷറർ നിസാമുദ്ധീൻ മാരായമംഗലം, സെക്രട്ടറി നൗഫൽ പടിഞ്ഞാറങ്ങാടി, ജില്ലാ വർക്കിങ് കമ്മിറ്റി അംഗം അഷ്‌റഫ്‌ മരുതൂർ എന്നിവർ ആശംസകൾ നേർന്നു സംസാരിച്ചു.
സ്വീകരണ യോഗത്തിനു നന്ദി അറിയിച്ചു കൊണ്ട് മുൻ ബഹ്‌റൈൻ പ്രവാസി കൂടിയായ കുഞ്ഞിമുഹമ്മദ് തന്റെ പഴയകാല പ്രവാസ ജീവിതം അനുഭവങ്ങൾ പങ്കുവെച്ച് മറുപടി പ്രസംഗം നടത്തിയതു സദസ്സിന് നവ്യാനുഭവമായി. ബഹ്‌റൈനിൽ കുടുംബസമേതം താമസിക്കുന്ന മക്കൾ മാസിൽ, മുനീർ, മുബീൻ എന്നിവരെ സന്ദർശിക്കാൻ വേണ്ടി ആഴ്ചകൾക്ക് മുൻപാണ് സഹധർമ്മിണി മറിയയോടൊപ്പം കുഞ്ഞിമുഹമ്മദ് ബഹ്‌റൈനിൽ എത്തിയത്
ജില്ലാ കെഎംസിസി ഭാരവാഹികൾ ആയ യൂസഫ് മുണ്ടൂർ അൻവർ കുമ്പിടി, നൗഷാദ് പുതുനഗരം, ആഷിഖ് മേഴത്തൂർ, ഷഫീഖ് വല്ലപ്പുഴ എന്നിവർ ചടങ്ങിൽ സംബന്ധിച്ചു.
