ബഹ്‌റൈൻ : റസിഡന്റ് പെർമിറ്റ് സ്റ്റാമ്പ് സേവനം ഇനി മുതൽ പോസ്റ്റ് ഓഫീസ് വഴി ലഭ്യമാക്കാൻ പദ്ധതിയുമായി അധികൃതർ. ഇതുമായി ബന്ധപ്പെട്ട കരാറിൽ കഴിഞ്ഞദിവസം ടെലികോം ഗതാഗതമന്ത്രാലയത്തിനു കീഴിൽ പ്രവർത്തിക്കുന്ന ബഹറിൻ പോസ്റ്റും നാഷണാലിറ്റി പാസ്പോർട്ട് റസിഡൻസ് അഫേഴ്സ് എന്നി വകുപ്പുകൾ ഒപ്പുവച്ചു. ഏതാനും ദിവസങ്ങളിൽ പോസ്റ്റ് ഓഫീസുകളിൽ ഈ സേവനം ലഭ്യമാകും. നിലവിൽ എയർപോർട്ടിലും കോസ്വേയിലും സ്റ്റിക്കർ പതിക്കുന്നുണ്ട് . ഏറ്റവും കുറഞ്ഞ സമയത്തിനുള്ളിൽ അതോറിറ്റി സേവനങ്ങൾക്ക് നൽകാൻ സൗകര്യമൊരുക്കുകയാണ് ഇതിലൂടെ സാധിക്കുന്നത് എന്നും അധികൃതർ വ്യക്തമാക്കി.
