ദമാം : പത്താം ക്ലാസ് പരീക്ഷയില്‍ ദമാം ഇന്‍റര്‍നാഷണല്‍ ഇന്ത്യന്‍ സ്കൂളില്‍ നിന്നും മികച്ച വിജയം നേടിയ മുഹമ്മദ് ഹനീന് വാഴക്കാട് നിവാസികളുടെ കൂട്ടായ്മയായ ദമാം വാഴക്കാട് വെല്‍ഫെയര്‍ സെന്‍റര്‍ ഉപഹാരം നല്‍കി ആദരിച്ചു. ദമാമില്‍നടന്ന ഹ്യസ്വമായ ചടങ്ങില്‍ കൂട്ടായ്മയുടെ രക്ഷാധികാരിയും മാധ്യമ പ്രവര്‍ത്തകനുമായ മുജീബ് കളത്തില്‍ മുഹമ്മദ് ഹനീന് മെമെന്‍റോ സമ്മാനിച്ചു. സെന്‍റര്‍പ്രസിഡന്‍റ് ഷബീര്‍ ആക്കോട്, ട്രഷറര്‍പി.ടി അഷ്റഫ് മറ്റു ഭാരവാഹികളായ ടി.കെ.കെ ഹസ്സന്‍, ജാവിഷ് അഹ് മദ്, നഫീര്‍ തറമ്മല്‍, പി.കെ. ഹമീദ്, ടി.കെ. ഷാഹിര്‍, ടി.കെ. ഷിജില്‍ തുടങ്ങിയവര്‍ പരിപാടിയില്‍ പങ്കെടുത്തു. നാട്ടിലും പ്രവാസ ലോകത്തുമുള്ള നാട്ടുകാരായ വിദ്യാര്‍ത്ഥികളെ വിദ്യഭ്യാസ രംഗത്തും മറ്റു മേഖലകളിലും മികച്ച വിജയം നേടുന്നതിന്‌ പ്രാപ്തരാക്കുന്നതിന്‌ വേണ്ടിയുള്ള വിത്യസ്ത പരിപാടികള്‍ വരും കാലങ്ങളില്‍ വാഴക്കാട് വെല്‍ഫെയര്‍ സെന്‍റര്‍ ആവിഷ്ക്കരിക്കുമെന്ന് സെന്‍റര്‍ ഭാരവാഹികള്‍പറഞ്ഞു
