മനാമ: ഷിഫ മെഡിക്കൽ ഗ്രൂപ്പിന്റെ നാലാമത് ശാഖ ഷിഫ മനാമ മെഡിക്കൽ സെന്റർ എന്ന പേരിൽ മനാമ ബസ് സ്റ്റേഷന് എതിർവശത്തുള്ള ടൈലോസ് ഹോട്ടൽ കെട്ടിടത്തിൽ തുറന്നു പ്രവർത്തനം ആരംഭിച്ചു.
ഓഗസ്റ്റ് 19 വെള്ളിയാഴ്ച വൈകുന്നേരം 7.30ന് അനാഥകളുടെ പിതാവ് ബാബ ഖലീൽ എന്ന വിളിപ്പേരുള്ള ബഹ്‌റൈനിലെ മുതിർന്ന ആർക്കിടെക്റ്റ് ശ്രീ ഖലീൽ അൽ ദയ്‌ലാമിയുടെ സാന്നിധ്യത്തിൽ പ്രമുഖ ബഹ്റൈൻ വ്യവസായിയും കെട്ടിട ഉടമയുമായ ശ്രീ അബ്ദുല്ല സൽമാൻ അഹമ്മദ് കൈക്‌സോയാണ് ഉദ്ഘാടനകർമ്മം നിർവഹിച്ചത്. കൂടാതെ സ്ഥാപക ചെയർമാനും, മാനേജിംഗ് ഡയറക്ടറുമായ അബുട്ടി കിളിയണ്ണി, വൈസ് ചെയർമാൻ മിർഷ ആഷിക് കിളിയണ്ണി, ജനറൽ മാനേജരും സി.ഇ.ഒയുമായ യൂസഫ് കെ.ടി, റീജിയണൽ ബിസിനസ് ഡെവലപ്‌മെന്റ് മാനേജർ സുൽഫിക്കർ കബീർ, ബ്രാഞ്ച് മാനേജർമാരായ ആൽബിൻ ടി ജോർജ്, കബീർ കിളിയണ്ണി, ജൻഷീർ എള്ളിക്കൽ, പർച്ചേസ് മാനേജർ സുഹൈൽ കുന്നത്ത്, ബ്രാഞ്ച് കോർഡിനേറ്റർമാരായ നിഹാൽ നസീർ, സൽമാൻ ഫാരിസ്, സംഷാദ് സാസിം കൂടാതെ സാമൂഹ്യ സാംസ്കാരിക മാധ്യമ മേഖലയിലെ പ്രമുഖരും, സംഘടനാ ഭാരവാഹികളും പങ്കെടുത്തു.
ഉദ്ഘാടനത്തിന്റെ ഭാഗമായി നിരവധി ഓഫറുകളാണ് ഷിഫ മെഡിക്കൽ ഗ്രൂപ്പ് പ്രക്യപിച്ചിട്ടുള്ളത്. വിറ്റാമിൻ ഡി പരിശോധന 2 ദിനാർ, ഡെന്റൽ സ്കെയിലിംഗും, പോളിഷിംഗും 3 ദിനാർ, ഇരു ചെവികൾളുടെയും ഇയർ വാക്സ് വൃത്തിയാക്കൽ 6 ദിനാറിനുമാണ് ഈടാക്കുന്നത് .
സൗജന്യ മെഡിക്കൽ ചെക്കിങ്ങിനായുള്ള കൂപ്പണുകളും വിതരണം ചെയ്യും, കൂപ്പണുമായി വരുന്ന എല്ലാ രോഗികൾക്കും 10ദിനാറിന് തുല്യമായ സൗജന്യ ജനറൽ മെഡിസിനും ഡെന്റൽ കൺസൾട്ടേഷനും സൗജന്യമായി നൽകുമെന്നും ഷിഫ മെഡിക്കൽ ഗ്രൂപ്പ് ഭാരവാഹികൾ അറിയിച്ചു.
