മനാമ: എസ് എൻ സി എസ് നവരാത്രി ആഘോഷവും സബ് കമ്മിറ്റി രൂപീകരണവും നടന്നു.കിംസ് ഹോസ്പിറ്റൽ ബഹ്‌റൈന്റെ ചീഫ് ഓപ്പറേറ്റിംഗ് ഓഫീസർ ശ്രീ താരിഖ് നജീബ് മുഖ്യാതിഥിയായ ചടങ്ങിൽ അസിസ്റ്റന്റ് സെക്രട്ടറി ശ്രീ പ്രസാദ് വാസു സ്വാഗതവും ശ്രീ സുനീഷ് സുശീലൻ അധ്യക്ഷ പ്രസംഗവും നടത്തി. കൾച്ചറൽ സെക്രട്ടറി കൃഷ്ണകുമാർ ആശംസകൾ അറിയിച്ചു.തുടർന്ന്പ്രാർത്ഥന ക്ലാസ്സ്‌ കമ്മിറ്റി, പൂജാ കമ്മിറ്റി, പ്രസാദം കമ്മിറ്റി, ഗുരുനാദം ഓർക്കസ്ട്രാ കമ്മിറ്റി, കൾച്ചറൽ പ്രോഗ്രാം കമ്മിറ്റി, മീഡിയ കമ്മിറ്റി എന്നീ സബ് കമ്മിറ്റികളുടെ ഉദ്ഘാടനവും കുട്ടികളുടെ കലാപരിപാടികളും നടന്നു. ശ്രീമതി സംഗീത ഗോകുൽ അവതാരകയായ ചടങ്ങിൽ നവരാത്രി കൺവീനർ ശ്രീ അജേഷ് കണ്ണൻ നന്ദി അറിയിച്ചു.ഒക്ടോബർ 5 (ബുധനാഴ്ച) വിദ്യാരംഭ ദിവസം രാവിലെ 05:30ന് മുൻ ചീഫ് സെക്രട്ടറിയും പ്രഥമ മലയാളം സർവകലാശാല മുൻ വൈസ് ചാൻസിലറും കവിയുമായ ഡോ. ജയകുമാർ ഐ. എ. എസ് കുരുന്നുകൾക്ക് ആദ്യാക്ഷരം കുറിക്കുമെന്ന് ഭാരവാഹികൾ അറിയിച്ചു.
