ബഹ്‌റൈൻ : ഉയർന്ന രക്ത സമ്മർദ്ദത്തെത്തുടർന്നാണ് തിരുവനന്തപുരം സ്വദേശിയായ സുനിൽ കുമാറിനെ കുറച്ചു ദിവസങ്ങൾക്കു മുമ്പ് സൽമാനിയ ആശുപത്രിയിൽ പ്രവേശിപ്പിച്ചത് , അതിനെ തുടർന്നുണ്ടായ
മസ്തിഷ്കാഘാതത്തെ തുടർന്ന് അദ്ദേഹത്തിന്റെ കൂടുതൽ വഷളായിരുന്നു ,നിലവിൽ അബോധാവസ്ഥയിൽ കഴിയുന്ന അദ്ദേഹത്തിനെ തുടർ ചികിത്സക്കായി അടുത്ത ചൊവ്വാഴ്ച നാട്ടിലേക്ക് കൊണ്ടുപോകും. സുനിലിനെ സ്ട്രെച്ചറിൽ രണ്ട് പാരമെഡിക്കൽ സ്റ്റാഫിനൊപ്പമാണ് നാട്ടിലേക്ക് കൊണ്ടുപോകുന്നത്. ഇതിനുള്ള ചെലവുകൾ കമ്പനി വഹിക്കും.കഴിഞ്ഞ പത്തുവര്ഷത്തിലേറെയായി ബഹറിനിൽ ഉപജീവനം നടത്തുന്ന അദ്ദേഹം അൽകുബൈസി കമ്പനിയിൽ പമ്പ് ഓപ്പറേറ്റർ ആയി ജോലി ചെയ്തുവരികയായിരുന്നു . . ഭാര്യയും മകളും അടങ്ങുന്നതാണ് കുടുംബം.നാട്ടിൽ നിർധന കുടുംബാംഗമാണ് , അദ്ദേഹത്തിന്റെ വരുമാനത്തിനെ ആശ്രയിച്ചാണ് കുടുംബം കഴിയുന്നത്. ഇൗ സാഹചര്യത്തിൽ തുടർചികിത്സക്കും കുടുംബത്തിന് സഹായമെത്തിക്കാനും ബഹ്റൈനിൽ ചില സുമനസുകളുടെ നേതൃത്വത്തിൽ ധനസമാഹരണം നടത്തുന്നുണ്ട്. അദ്ദേഹത്തെ പറ്റിയുള്ള കൂടുതൽ വിവരങ്ങൾക്കു നകുലൻ (39141851), സുധീർ തിരുനിലത്ത് (39461746), സതീഷ് (39339818) എന്നിവരുമായി ബന്ധപ്പെടാം.
