മനാമ: കഴിഞ്ഞ മൂന്ന് വർഷമായി നീട്ടിവളർത്തിയ തലമുടി മുറിച്ചെടുത്ത് ബഹ്‌റൈനിലെ അർബുദ രോഗികൾക്ക് ദാനം നൽകി യുവാവ് . യുസഫ് മുഹമ്മദ് ഹസ്സനിൽ ബയോ കെമിക്കൽ എഞ്ചിനീയർ ആയി ജോലി ചെയുന്ന കണ്ണൂർ സ്വദേശി ആയ സൂര്യജിത് മുടി ദാനം ചെയ്തത് .കാൻസർ കെയർ ഗ്രൂപ്പ്ന്റെ പ്രവീഷ് പ്രസന്നൻ, കെ. ടി. സലിം എന്നിവരുമായി ബന്ധപ്പെട്ട്‌ അർബുദരോഗികൾക്ക് ഉപകരിക്കാൻ ബഹ്‌റൈൻ കാൻസർ സൊസൈറ്റിക്ക് സലൂണിൽ നിന്നും മുറിച്ചെടുത്ത 42 സെന്റീ മീറ്റർ മുടി നേരിട്ട് കൈമാറുകയായിരുന്നു. റേഡിയേഷനും കീമോയും എടുക്കുന്ന അർബുദ രോഗികൾക്ക് മുടി കൊഴിയുമ്പോൾ വിഗുണ്ടാക്കാൻ ഇങ്ങനെ നൽകുന്ന തലമുടി പ്രയോജനപ്പെടുമെന്നും ഇത്തരത്തിൽ നല്കാൻ താൽപ്പര്യമുള്ളവർക്ക്ബഹ്‌റൈൻ കാൻസർ സൊസൈറ്റിയിൽ 17233080 എന്ന നമ്പറിൽ വിളിച്ചു മുൻകൂട്ടി അനുമതി വാങ്ങി ചുരുങ്ങിയത് 21 സെന്റീ മീറ്റർ നീളത്തിൽ തലമുടി മുറിച്ചെടുത്ത് വൃത്തിയുള്ള പ്ലാസ്റ്റിക്ക് കവറിലാക്കി നേരിട്ട് നൽകാമെന്ന് കെ. ടി. സലിം അറിയിച്ചു.
