ഒമാൻ :സുഹാർ കെഎംസിസി മുതുകിൽ കുണ്ട്‌ ശിഹാബ്തങ്ങൾ റിലീഫ് സെന്ററിന്റെ സഹകരണത്തോടെ വേങ്ങര മണ്ഡലം കണ്ണമംഗലം പഞ്ചായത്ത് ചേരൂർ മുതുകിൽകുണ്ടിൽ നിർമിച്ച് നൽകിയ ബൈത്തുറഹ്മയുടെ താക്കോൽദാനം പാണക്കാട് വെച്ച് സംസ്ഥാന മുസ്ലിം യൂത്ത്ലീഗ് അദ്ധ്യക്ഷൻ സയ്യിദ് മുനവ്വറലി ശിഹാബ് തങ്ങൾ നിർവഹിച്ചു. സുഹാർ കെഎംസിസി കേരളത്തിലെ വിവിധ ജില്ലകളിലായി നൽകിയ ബൈത്തുറഹ്മകളിൽ പതിനൊന്നാമത്തെതാണ് ഇത് .ചടങ്ങിൽ സുഹാർ കെഎംസിസി പ്രസിഡന്റ് അൽ ജസീറ ബാവ ഹാജി , സഹം കെഎംസിസി പ്രസിഡണ്ട് ജാഫർ വേർകോട്ട് ,സുഹാർ കെഎംസിസി എക്സിക്യൂട്ടീവ് കമ്മിറ്റി അംഗങ്ങളായ അദ്നാൻ അൽ ജസീറ ,അൻവർ സാദത്ത് ,മുഹമ്മദലി പൊന്നാനി ,കണ്ണമംഗലം പഞ്ചായത്ത് മുസ്ലിം ലീഗ് പ്രസഡന്റ് മുജീബ് പൂക്കോത്ത് ,നേതാക്കളായ യൂ എം ഹംസ ,നൗഷാദ് ചേറ്റൂർ ,കമ്മുക്കുട്ടി മുസ്ലിയാർ ,എൻ കെ നിഷാദ് ,പി പി ലത്തീഫ് ,സലാം ,മൊയ്‌തീൻ കുട്ടി ,അലവി ,അനീസ് തുടങ്ങിയവർ സംബന്ധിച്ചു.
