ദമാം : പ്രശസ്ത ലോക സഞ്ചാരിയും യൂട്യൂബറുമായ മല്ലു ട്രാവലര്‍ ഷാക്കിറിനേയും കുടുംബത്തേയും അറേബ്യന്‍ ഓഫ് റോഡേഴ്സ് ദമ്മാം സൗദിയിലേക്ക് സ്വീകരിച്ചു. ഇന്ത്യന്‍ രജിസ്ട്രേഷന്‍ വാഹനവുമായി ലോക പര്യടനത്തിന്റെ ഭാഗമായാണ്‌ മല്ലു ട്രാവലര്‍ സൗദി അറേബ്യയിലെത്തിയിരിക്കുന്നത്. ഒന്നര വര്‍ഷത്തോളം നീണ്ട് നില്‍ക്കുന്ന യാത്ര ഇപ്പോള്‍ മൂന്ന് രാജ്യങ്ങള്‍ പിന്നിട്ടതിന്‌ ശേഷമാണ്‌ സൗദിയിലെത്തിയത്. ലോക പര്യടനത്തിന്ന് വേണ്ടി പ്രത്യേകം സജ്ജമാക്കിയ ടയോട്ട ഫോര്‍ ച്യൂണറിലാണ്‌ സൗദിയിലെത്തിയത്. സൗദിയിലെ പ്രശസ്ത ഓഫ് റോഡ് അഡ്വഞ്ചര്‍ ഗ്രൂപ്പായ അറേബ്യന്‍ ഓഫ് റോഡേഴ്സും അവരുടെ കുടുംബാംഗങ്ങളും ചേര്‍ന്ന് സൗദി യു എ ഇ അതിര്‍ത്തിയിലെത്തിയാണ്‌ മല്ലു ട്രാവലര്‍ സംഘത്തെ സ്വീകരിച്ചത്. ബഹ്റൈനും അതിന്ന് ശേഷം ഖത്തറും സംഘം സന്ദര്‍ശിക്കും. അറേബ്യൻ ഓഫ് റോഡേഴ്സ്ൻറെ എക്സിക്യൂട്ടീവ് അംഗങ്ങളായ നവാഫ് അരീക്കോട്, മൻസൂർ മങ്കട, അബ്ദുറഷീദ് ചേന്ദമംഗല്ലൂർ, മഹറൂഫ് മണ്ണിൽ ,അംജദ് പുത്തൂർമഠം, മുഹമ്മദ് നുമാൻ, വിപിൻ, അഹമ്മദ് മഹ്‌ലൂഫ് , മഹറൂഫ് ബദർ , ജംഷാദ് ഷാനു, ഷാഹിദ്, ജംഷീർ എന്നിവർ സ്വീകരണ പരിപാടികൾക്ക് നേതൃത്വം നൽകി.
