മസ്‌കത്ത് : ഒമാനില്‍ ദീര്‍ഘകാലം പ്രവാസി ആയിരുന്ന തൃശൂര്‍ കൊടുങ്ങല്ലൂര്‍ സ്വദേശി നാട്ടില്‍ നിര്യാതനായി. ഗുബ്രയില്‍ 45 വര്‍ഷക്കാലം പ്രവാസി ആയിരുന്ന പുല്ലൂറ്റ് വട്ടപറമ്പില്‍ കുമാരന്‍ മകന്‍ സാംബശിവന്‍ (69) ആണ് മരണപ്പെട്ടത്. അസുഖബാധിതനായി ആറ് മാസം മുമ്പാണ് ചികിത്സാവശ്യാര്‍ഥം നാട്ടിലേക്ക് പോയത്. ഞായറാഴ്ച രാവിലെയായിരുന്നു മരണം. മുന്‍ കേരള കൃഷി മന്ത്രി വി കെ രാജന്റെ സഹോദരന്‍ ആണ് സാംബശിവന്‍. ഭാര്യ: ശോഭന. മക്കള്‍: സെത്‌ലാന, സീലിയ, മരുമക്കള്‍: പ്രസാദ്, ഷിബിന്‍.
