മനാമ : ബഹ്‌റൈനിലെ ലുലു ഹൈപ്പർ മാർകെറ്റിൽ ഹൈപ്പർമാർക്കറ്റ് “ഇന്ത്യ ഉത്‌സവിനു ആരംഭമായി .
ഇന്ത്യൻ അംബാസഡർ പിയൂഷ് ശ്രീവാസ്തവ പരിപാടിയുടെ ഉൽഘാടനം നിർവഹിച്ചു . ലുലു ഹൈപ്പർമാർക്കറ്റിന്റെ റീജണൽ ഡയറക്ടർ മുഹമ്മദ് കലീമും സീനിയർ മാനേജ്‌മെന്റും ചേർന്ന് അദ്ദേഹത്തെ സ്വീകരിച്ചു.76-ാമത് ഇന്ത്യൻ സ്വാതന്ത്ര്യ ദിനത്തെ അനുസ്മരിപ്പിക്കുന്ന വേളയിൽ
ഇന്ത്യൻ ഭക്ഷ്യ ഉൽപന്നങ്ങൾ, കാർഷിക ഉൽപന്നങ്ങൾ, ട്രെൻഡി ഹൈ-സ്ട്രീറ്റ് ഫാഷൻ എന്നിവയുടെ
പ്രൊമോഷനുകൾ ഉൾപ്പെടുന്ന ഷോപ്പിംഗ് ഫെസ്റ്റിവലാണ് ഇന്ത്യ ഉത്സവ് .
ഉദ്ഘാടന ചടങ്ങിൽ ഇന്ത്യയിലെ വിവിധ സംസ്ഥാനങ്ങളെ പ്രതിനിധീകരിച്ച് ഇന്ത്യൻ കുട്ടികളുടെ നൃത്തങ്ങളും നടന്നു . എല്ലാ ലുലു ഔട്ട്‌ലെറ്റുകളിലും ഓൺലൈൻ പോർട്ടലിലും ഓഗസ്റ്റ് 24 വരെ ഫെസ്റ്റിവൽ ലഭ്യമാകും , കൂടാതെ ഇന്ത്യയിലെ മികച്ച പ്രാദേശിക പാചകരീതികളുടെ ഭക്ഷണ പ്രമോഷനുകളും എല്ലാ ഇന്ത്യൻ ഉൽപ്പന്നങ്ങളുടെയും ഫാഷൻ വസ്ത്രങ്ങളുടെയും സൂപ്പർ ഡീലുകളും ഇതിൽ ഉൾപ്പെടുന്നതായി അധികൃതർ അറിയിച്ചു .
