ബഹ്‌റൈൻ : യുഎഇയില്‍ എന്തൊക്കെ ചെയ്യാം എന്തൊക്കെ ചെയ്തു കൂടാ എന്നിവയെ കുറിച്ചുള്ള വിശദമായ കുറിപ്പ് കോണ്‍സുലേറ്റിന്റെ ഹെല്‍പ്പ് സെന്ററായ പ്രവാസി ഭാരതീയ സഹായതാ കേന്ദ്രയുടെ മൊബൈല്‍ ആപ്പ്, വെബ്‌സൈറ്റ്, പുതുതായി ആരംഭിച്ച ഡിജിറ്റല്‍ മാഗസിന്‍ എന്നിവയില്‍ ലഭ്യമാണ്.യുഎഇയിലെ നിയമങ്ങള്‍, പ്രത്യേകിച്ച് തൊഴില്‍ നിയമങ്ങളെ കുറിച്ച് അടിസ്ഥാന ധാരണ ഉണ്ടാക്കിയെടുക്കണം. തൊഴില്‍ അവകാശങ്ങള്‍, ഉത്തരവാദിത്തങ്ങള്‍ എന്നിവ മുന്‍കൂട്ടി അറിഞ്ഞുവയ്ക്കുക.പോലീസ്, ഫയര്‍ ഫോഴ്‌സ്, ആംബുലന്‍സ്, പ്രധാന ആശുപത്രികള്‍, ഇന്ത്യന്‍ എംബസി, ദുബായ് കോണ്‍സുലേറ്റ്, പ്രധാന പ്രവാസി സംഘടനകള്‍ എന്നിവയുടെ കോണ്‍ടാക്ട് നമ്പറുകള്‍ ശേഖരിച്ചു വയ്ക്കുക.ശാരീരികമായ അതിക്രമങ്ങള്‍, ഗാര്‍ഹിക പീഡനങ്ങള്‍ എന്നിവ വച്ചു താമസിപ്പിക്കാതെ ഉടന്‍ തന്നെ പോലിസില്‍ റിപ്പോര്‍ട്ട് ചെയ്യുക.വര്‍ക്ക് പെര്‍മിറ്റ് കാന്‍സലായി ഒരു വര്‍ഷത്തിനകം ഇതുമായി ബന്ധപ്പെട്ട പ്രശ്‌നങ്ങള്‍ മനുഷ്യവിഭവ- എമിററ്റൈസേഷന്‍ മന്ത്രാലയത്തില്‍ റിപ്പോര്‍ട്ട് ചെയ്യുക. അതിന് ശേഷം ലഭിക്കുന്ന പരാതികള്‍ സ്വീകരിക്കപ്പെടുകയില്ല.മെഡിക്കല്‍ റെക്കോഡുകള്‍, പാസ്‌പോര്‍ട്ട്, വിസ എന്നിവയുടെ പകര്‍പ്പുകള്‍, തൊഴില്‍ കരാറുകള്‍, സാമ്പത്തിക രേഖകള്‍, താമസ സ്ഥലത്തെയും ജോലി ചെയ്യുന്ന സ്ഥാപനത്തിന്റെയും അഡ്രസുകള്‍ എന്നിവ എളുപ്പത്തില്‍ ലഭ്യമാകത്തക്ക രീതിയില്‍ സ്വന്തമായി സൂക്ഷിച്ചുവയ്ക്കുകയും വിശ്വസ്തരായ ഒന്നോ രണ്ടോ കുടുംബാംഗങ്ങള്‍ക്ക് കൈമാറുകയും ചെയ്യുക.നിയമവിധേയമായ മാര്‍ഗങ്ങളിലൂടെ മാത്രം പണം അയക്കുകയും സ്വീകരിക്കുകയും ചെയ്യുക. തൊഴില്‍ ആരംഭിക്കുന്നതോടൊപ്പം തന്നെ യോജിച്ച ഇന്‍ഷൂറന്‍സ് പദ്ധതിയില്‍ അംഗമാവുക. പണം നിക്ഷേപിക്കുന്നതിന് മുമ്പ് ഇന്‍ഷൂറന്‍സ് ഉല്‍പ്പന്നത്തിന്റെയും ഏജന്റിന്റെയും വിവരങ്ങള്‍ നന്നായി മനസ്സിലാക്കി വയ്ക്കുക.വ്യക്തിഗത വിവരങ്ങള്‍ നഷ്ടപ്പെടാതെ സൂക്ഷിക്കുക. സിം കാര്‍ഡ് വിവരങ്ങള്‍, പാസ്‌പോര്‍ട്ട്, എമിറൈറ്റ്‌സ് ഐഡി, ഇമെയില്‍ തുടങ്ങിയവയിലെ വിവരങ്ങള്‍ മോഷ്ടിക്കപ്പെടുന്നില്ലെന്ന് ഉറപ്പുവരുത്താന്‍ ഇതുമായി ബന്ധപ്പെട്ട അടിസ്ഥാനപരമായ കാര്യങ്ങള്‍ അറിഞ്ഞിരിക്കണം.യുഎഇയിലും ഇന്ത്യയിലും അനുയോജ്യമായ ലൈഫ്- ഹെല്‍ത്ത് ഇന്‍ഷൂറന്‍സില്‍ അംഗമാവുക.യുഎഇ കോടതികളില്‍ സ്വീകാര്യമായ ഒരു വില്‍പത്രം തയ്യാറാക്കി വയ്ക്കുക.ഒടിപികള്‍, പാസ് വേഡുകള്‍, എടിഎം പിന്‍ നമ്പറുകള്‍, തുടങ്ങിയവ ഒരു കാരണവശാലും മറ്റുള്ളവരുമായി പങ്കുവയക്കരുത്. ബാങ്കോ മറ്റ് ഔദ്യോഗിക സ്ഥാപനങ്ങളോ ഇവ വെളിപ്പെടുത്താന്‍ ആവശ്യപ്പെടില്ല.പരസ്യമായി മദ്യപിക്കാന്‍ പാടില്ല. മദ്യ വില്‍പ്പനയ്ക്കും വിതരണത്തിനും ലൈസന്‍സുള്ള സ്ഥലങ്ങളില്‍ വെച്ച് മാത്രമേ അവ ഉപയോഗിക്കാവൂ.സ്‌പോണ്‍സറില്‍ നിന്ന് ഓടിപ്പോവാന്‍ പാടില്ല. എന്തെങ്കിലും പ്രശ്‌നങ്ങളുണ്ടെങ്കില്‍ പകരം 80060 എന്ന നമ്പറില്‍ എംബസിയെയോ കോണ്‍സുലേറ്റിനെയോ ബന്ധപ്പെടണം.
Home GULF United Arab Emirates യുഎഇയിലുള്ള ഇന്ത്യന്‍ പ്രവാസികള്‍ നിർബന്ധമായും ശ്രദ്ധിക്കേണ്ട കാര്യങ്ങള്‍ വ്യക്തമാക്കി ഇന്ത്യൻ കോൺസുലേറ്റ്
