മസ്കത്ത്: ട്രാവൽ ആൻഡ് ടൂറിസം രംഗത്ത് പ്രവർത്തിക്കുന്ന സ്കൈ റെയ്സ് ഗ്ലോബൽ അതിന്‍റെ സേവനങ്ങളും പ്രവർത്തനങ്ങളും വിപുലപ്പെടുത്തുന്നു. കൂടുതൽ സൗകര്യങ്ങളും മറ്റും ഒരുക്കുന്നതിന്‍റെ ഭാഗമായി അടുത്തിടെയാണ് സ്കൈ റെയ്സ് ഗ്ലോബൽ ട്രാവൽ ആൻഡ് ടൂറിസം എന്നപേരിൽ സീബിലെ വാദി ലുവാമിയിലുള്ള ലുലു ഹൈപ്പർ മാർക്കറ്റിൽ പ്രവർത്തനം തുടങ്ങിയതെന്ന് മാനേജിങ് ഡയറക്ടർ മുഹമ്മദ് റസ്സല്‍ വാർത്ത സമ്മേളനത്തിൽ പറഞ്ഞു. ട്രാവൽ ആൻഡ് ടൂറിസം മേഖലയിൽ 18 വർഷത്തിലേറെ പ്രവർത്തന പരിചയമുണ്ട് മാനേജ്മെൻറിന്.
പുനർനാമകരണത്തിന്‍റെ ഉദ്ഘാടനം വാദി ലുവാമിലെ ലുലു ഹൈപറിലുള്ള സ്ഥാപനത്തിന്‍റെ ഓഫിസില്‍ ജൂണ്‍ 12 വൈകുന്നേരം അഞ്ച് മണിക്ക് നടക്കും. രണ്ടാമത്തെ ബ്രാഞ്ചിന്‍റെ ഉദ്ഘാടനം 13ന് ഗൂബ്ര അവന്യൂസ് മാളിൽ കിയോസ്ക് ഒന്ന്, ലോവർ ഗ്രൗണ്ട് ഫ്ലോറിൽ നടക്കും. ഉദ്ഘാടന ചടങ്ങുകളിൽ പ്രമുഖർ സംബന്ധിക്കും.
വരും വർഷങ്ങളിൽ മിഡില്‍ ഈസ്റ്റിലെയും ഒമാനിലെയും ട്രാവൽ ആൻഡ് ടൂറിസം രംഗത്തെ മികച്ച സ്ഥാപനം ആയി മാറുക എന്നതാണ് റെയ്സിന്‍റെ ലക്ഷ്യമെന്ന് മുഹമ്മദ് റസ്സല്‍ പറഞ്ഞു. റിസർവേഷൻ മാനേജർ അമൽ ബുഷൈബ്, ഹോളിഡെയ്സ് സൂപ്പർവൈസർ ഇമാൻ അൽ ബലൂഷി എന്നിവരും വാർത്തസമ്മേളനത്തിൽ പങ്കെടുത്തു.
