സലാല. ഒമാൻ സൈക്ലിങ് അസോസിയേഷന്റെ സഹകരണത്തോടെ ദോഫാർ നഗരസഭ സംഘടിപ്പിച്ച ടൂർ ഓഫ് സലാല സൈക്ലിങ് മത്സരത്തിൽ യുഎഇ ടീമിന് ഒന്നാം സ്ഥാനം. സൈക്കിൾ കോം ടീം രണ്ടാമതും തായ്‌ലൻഡ് ടീം മൂന്നാമതും എത്തി.ഓവറോൾ വിഭാഗത്തിൽ സെയ്ഫ് അൽ കഅബി (യുഎഇ) ഒന്നാം സ്ഥാനത്തെത്തി ‘ഗോൾഡ് ഷർട്ട്’ നേടി. 11 ടീമുകളെ പ്രതിനിധീകരിച്ച് 70 സൈക്ലിങ് താരങ്ങളാണ് മത്സരത്തിൽ പങ്കെടുത്തത്.
സമാപന ചടങ്ങിൽ ദോഫാർ നഗരസഭ ചെയർമാൻ ഡോ. അഹമ്മദ് ബിൻ മുഹ്സിൻ അൽ ഗസ്സാനി വിജയികളെയും സലാല സൈക്ലിങ് ടൂറിന്റെ രണ്ടാം പതിപ്പിനെ പിന്തുണച്ച സ്ഥാപനങ്ങളെയും ആദരിച്ചു.
