മസ്കറ്റ്: ഒരു വർഷ കാലാവധിയുള്ള മൾട്ടിപ്പിൾ എൻട്രി ടൂറിസ്റ്റ് വിസയുള്ളവർക്ക് നേരത്തേ മൂന്നാഴ്ച തങ്ങാൻ മാത്രമാണ് അനുമതി ഉണ്ടായിരുന്നത്. ഇപ്പോൾ അത് ഒരാഴ്ച കൂടി നീട്ടി,ഒരുമാസം വരെ തങ്ങാൻ അനുമതിനൽകുമെന്ന് റോയൽ ഒമാൻ പോലീസ് അറിയിച്ചു.മൾട്ടിപ്പിൾ എൻട്രി വിസയുള്ളവർക്ക് അതിന്റെ കാലാവധി അവസാനിക്കും വരെ ഒന്നിലധികം തവണ ഒമാനിൽ വരുന്നതിനും ഓരോതവണ വരുമ്ബോഴും ഒരുമാസം വീതം രാജ്യത്ത് തങ്ങാനും അനുമതിയുണ്ടായിരിക്കുമെന്ന് ആർ.ഒ.പി വക്താവ് അറിയിച്ചു.ആവശ്യമെങ്കിൽ ഒരുമാസം കൂടി താമസാനുമതി നീട്ടാനും സാധിക്കും.വിദേശ താമസ നിയമത്തിൽ ഇതുമായി ബന്ധപ്പെട്ട മാറ്റങ്ങൾ വരുത്തിയിട്ടുണ്ട്. രാജ്യത്തിന്റെ എല്ലാ അംഗീകൃത കവാടങ്ങളിൽ ഇതിന് സൗകര്യം ഏർപ്പെടുത്തുമെന്നും പൊലീസ് അറിയിച്ചു.വിസാ നിരക്കുകളിൽ ചില മാറ്റങ്ങൾ വരുത്തിയിട്ടുമുണ്ട്.സയൻറഫിക് റിസർച്ച് വിസക്കും സെയിലേഴ്സ് ട്രാൻസിസ്റ്റ് വിസക്കും നിക്ഷേപക വിസക്കും അമ്പത് റിയാൽ വീതവും, കുടുംബവിസക്കും സ്റ്റഡി വിസക്കും മുപ്പത് റിയാൽ വീതവും, തൊഴിൽ വിസക്കും ഒരു മാസത്തെ ടൂറിസ്റ്റ് വിസക്കും ഇരുപത് റിയാൽ വീതവുമാണ് നൽകേണ്ടത്.
