ദുബായ് ∙ തെന്നിന്ത്യൻ സൂപ്പർ താരം കമൽ ഹാസന് യുഎഇ ഗോൾഡൻ വീസ ലഭിച്ചു. ജനറൽ ഡയറക്ടറേറ്റ് ഓഫ് റെസിഡൻസി ആൻഡ് ഫോറിനേഴ്‌സ് അഫയേഴ്‌സ് (ജിഡിആർഎഫ്‌എ) ഡയറക്ടർ ജനറൽ ലഫ്. ജനറൽ മുഹമ്മദ് അഹമ്മദ് അൽ മർറിയിൽ നിന്ന് അദ്ദേഹം 10 വർഷത്തെ ഗോൾഡൻ വീസ സ്വീകരിച്ചു. ജിഡിആർഎഫ്‌എ ഓഫിസുകളിൽ അദ്ദേഹം അടുത്തിടെ സന്ദർശനം നടത്തിയിരുന്നു.
ഇന്ത്യ ഉൾപ്പെടെ വിവിധ ലോകരാജ്യങ്ങളിൽ നിന്നുള്ള പ്രമുഖ വ്യക്തിത്വങ്ങൾക്ക് യുഎഇ ഗോൾഡൻ വീസ അനുവദിച്ചിട്ടുണ്ട്. മമ്മുട്ടി, മോഹൻലാൽ, ഗായിക കെ.എസ്. ചിത്ര, ഷാരൂഖ് ഖാൻ, ബോണി കപൂർ, മലയാളത്തിലെ യുവ താരങ്ങൾ ഉൾപ്പെടെയുള്ളവർക്ക് വീസ ലഭിച്ചിരുന്നു. വ്യവസായികൾ, നഴ്‌സുമാർ, ഡോക്ടർമാർ, അക്കാദമിക് വിദഗ്ധർ തുടങ്ങിയവർക്കും ഗോൾഡൻ വീസ ലഭിച്ചിരുന്നു.
