അബുദാബി : യുഎഇയിലെ ചിലയിടങ്ങളില്‍ കനത്ത മഴ പെയ്തു. മഴയുള്ള സമയത്തു വാഹനമോടിക്കുന്നവര്‍ക്ക് പൊലീസ് മുന്നറിയിപ്പ് നല്‍കി. അബുദാബി, അല്‍ ഐന്‍ നഗരം, അജ്മാന്‍ എന്നിവിടങ്ങളിലെ ചില ഭാഗങ്ങളില്‍ ഇന്നലെ മഴയുള്ള കാലാവസ്ഥ അനുഭവപ്പെട്ടു. നാഷണല്‍ സെന്റര്‍ ഓഫ് മെറ്റീരിയോളജി യുടെ അറിയിപ്പ് പ്രകാരം യുഎഇയില്‍ ഉടനീളം ആകാശം ഭാഗികമായി മേഘാവൃതമായി കാണപ്പെട്ടു, പ്രത്യേകിച്ച് അബുദാബി, അല്‍ ഐന്‍ ഭാഗങ്ങളില്‍.അബുദാബിയിലെ അല്‍ ദഫ്ര മേഖലയിലും ദുബായ്-അല്‍ ഐന്‍ റോഡിലും മഴയുള്ള സംവഹന മേഘങ്ങള്‍ രൂപപ്പെടുകയും കനത്ത മഴയും റിപ്പോര്‍ട്ട് ചെയ്തു. മേഘാവൃതമായതിനാല്‍ യുഎഇയുടെ ചില ആന്തരിക, തെക്കന്‍ ഭാഗങ്ങളില്‍ യെല്ലോ, ആംബര്‍, റെഡ് അലര്‍ട്ടുകള്‍ NCM പുറപ്പെടുവിച്ചു.
