ദുബൈ: യുഎഇയിലെ ഇന്ധന വിതരണ കമ്പനിയായ എമറാത്ത് ഒരു വര്‍ഷം മുഴുവന്‍ സൗജന്യമായി ഇന്ധനം നിറയ്ക്കാന്‍ അവസരം നൽകുന്നു .ഒക്ടോബര്‍ 29ന് നടക്കാനിരിക്കുന്ന അഡ്‍നോക് പ്രോ ലീഗ് മത്സരം കാണാനെത്തുന്നവരിൽ നിന്ന് തെരഞ്ഞെടുക്കപ്പെടുന്നവര്‍ക്കായിരിക്കും ഇതിനുള്ള അവസരം ലഭിക്കുക എന്ന് അധികൃതർ വ്യക്തമാക്കി. സമ്മാന പദ്ധതികള്‍ക്ക് വ്യവസ്ഥകളും നിബന്ധനകളും ബാധകമായിരിക്കുമെന്ന് അറിയിച്ചിട്ടുണ്ട്. ഒക്ടോബര്‍ 29 ശനിയാഴ്ച ദുബൈ റാഷിദ് സ്റ്റേഡിയത്തിലാണ് മത്സരം. ശബാബ് അല്‍ അഹ്‍ലി എഫ്.സിയും അല്‍ ഐന്‍ എഫ്.സിയും തമ്മിലാണ് അന്ന് മത്സരം നടക്കുന്നത് .
