മനാമ :വേൾഡ് മലയാളീ കൌൺസിൽ ബഹ്‌റൈൻ പ്രൊവിൻസ് വിമൻസ് ഫോറത്തിന്റെ പ്രവർത്തനോദ്‌ഘാടനവും ഗ്ലോബൽ കോൺഫെറെൻസിന്റെ കിക്ക്‌ ഓഫ് മീറ്റിങ്ങും മെയ് 19 വ്യാഴാഴ്ച വൈകുന്നേരം കെ സി എ ഹാളിൽ വെച്ച് നടന്നു. പരിപാടിയിലെ മുഖ്യ അഥിതിയായ മനാമ ക്യാപിറ്റൽ മുനിസിപ്പാലിറ്റിയുടെ മെമ്പറും, 2021 ലെ എസ് എം ഇ സ്ട്രീറ്റ് ഗ്ലോബൽ വുമൺ അവാർഡ് ജേതാവും, ഗോൾഡൻ ട്രസ്റ്റിന്റെ പ്രസിഡന്റും, സി ഇ ഓ യും ആയ ഡോ . ലുൽവ അൽ മുതലാഖ് ന്റെ നേതൃത്വത്തിൽ ഭദ്രദീപം കൊളുത്തി പരിപാടി ഉദ്‌ഘാടനം ചെയ്തു. പ്രമുഖ മാധ്യമ പ്രവർത്തക ശ്രീമതി രാജി ഉണ്ണികൃഷ്ണൻ ആയിരുന്നു ചടങ്ങിന്റെ വിശിഷ്ടാതിഥി.. WMC ബഹ്‌റൈൻ പ്രോവിൻസ് പ്രസിഡന്റ് എബ്രഹാം സാമുവേൽ അധ്യക്ഷനായ പരിപാടിയിൽ വൈസ് പ്രസിഡന്റ് ഹരീഷ് നായർ സ്വാഗതം ആശംസിച്ചു. വനിതാ വിഭാഗം പ്രസിഡന്റ് കൃപ രാജീവ് സദസ്സിനെ അഭിസംബോധന ചെയ്തു വനിതാ വിഭാഗം അംഗങ്ങളെ പരിചയപ്പെടുത്തി. തുടർന്ന് വിശിഷ്ടാഥികൾ കമ്മിറ്റി അംഗങ്ങൾക്ക് ബാഡ്ജിങ് സെറിമണി നടത്തി. മുഖ്യാഥിതിയ്ക്കും വിശിഷ്ടാതിഥിയ്ക്കും മൊമെന്റോ നൽകി ആദരിച്ചു. ഇന്ത്യൻ ക്ലബ് ചെയർമാൻ K M ചെറിയാൻ WMC ബഹ്‌റൈൻ പ്രോവിൻസ് ചെയർമാൻ ബാബു കുഞ്ഞിരാമൻ, wmc മിഡിൽ ഈസ്റ്റ് ചെയർമാൻ രാധാകൃഷ്ണൻ തെരുവത്ത്, വൈസ് ചെയർ പേഴ്സൺ ദീപ ജയചന്ദ്രൻ, എന്നിവർ ആശംസ അർപ്പിച്ചു സംസാരിച്ചു. വനിതാ വിഭാഗം വൈസ് പ്രസിഡന്റ് ഉഷ സുരേഷ് ഉദ്‌ഘാടന പരിപാടിയയിൽ പങ്കെടുത്തവർക്ക് നന്ദിപറഞ്ഞു. വനിതാ വിഭാഗം പ്രവർത്തനോദ്‌ഘാടനത്തിന്റെ ഭാഗമായി നടന്ന കലാസാംസ്കാരിക പരിപാടിയിൽ വനിതാ വിഭാഗം ജനറൽ സെക്രട്ടറി രേഖ രാഘവൻ കോറിയോഗ്രഫി നിർവഹിച്ച് WMC കുടുംബാംഗങ്ങൾ അവതരിപ്പിച്ച വിവിധ നൃത്തങ്ങൾ ആകർഷകമായി. ശ്രീഷ്മ അവതരിപ്പിച്ച ബഹ്‌റൈൻ വേദികളിൽ അപൂർവമായ വീണ കച്ചേരി ഏറെ ശ്രദ്ധ പിടിച്ചു പറ്റി. WMC കുടുംബാംഗങ്ങൾ ആയ ജിജോ ബേബി, രാജീവ് മേനോൻ, അരവിന്ദ്, ശില്പ എന്നിവരുടെ നേതൃത്വത്തിൽ അവതരിപ്പിച്ച ഗാനങ്ങളും ശ്രദ്ധ ഗോകുൽ, തീർത്ഥ പ്രമോദ് എന്നിവർ അവതരിപ്പിച്ച ശാസ്ത്രീയ നൃത്തങ്ങളും പരിപാടിയെ മികവുറ്റതാക്കി. WMC വൈസ് ചെയർമാനും പരിപാടിയുടെ ജനറൽ കൺവീനറും ആയ വിനോദ് നാരായണന്റെ നേതൃത്വത്തിൽ വിവിധ സബ് കമ്മിറ്റികൾ പരിപാടികൾ നിയന്ത്രിച്ചു. ബഹ്‌റൈനിലെ പ്രമുഖ സംഘടനകളുടെ പ്രതിനിധികൾ പരിപാടിയിൽ പങ്കെടുത്തു. പരിപാടിയിൽ പങ്കെടുത്ത എല്ലാപേർക്കും ഡിന്നർ ഒരുക്കിയിരുന്നു. WMC ബഹ്‌റൈൻ പ്രൊവിൻസിന്റെ എക്സിക്യൂട്ടീവ് കമ്മിറ്റി അംഗങ്ങളായ ജിജോ ബേബി, ഗണേഷ് നമ്പൂതിരി, ദേവരാജൻ, എബി തോമസ്,, അബ്ദുള്ള, വിനയൻ, രാജീവ് എന്നിവരും വനിതാ വിഭാഗം അംഗങ്ങളായ ഭവിഷ അനൂപ്‌, രമ സന്തോഷ്, ഷിജിൻ സുജിത് , മിനി പ്രമിലീഷ് , അനു അലൻ, പ്രസന്ന രഘു, മീര വിജേഷ്, അഞ്ജു, മെസ്സി, രഞ്ജിനി, സ്നേഹ , അശ്വിനി, നീതു , രേഷ്മ, നിഷ , അർച്ചന , തുഷാര , ഫ്‌ളൈഡി എന്നിവരും പരിപാടിയ്ക്ക് വേണ്ട മാർഗ നിർദ്ദേശ്ശങ്ങൾ നൽകി . ജിഷ സുബിൻ പരിപാടിയുടെ അവതാരക ആയിരുന്നു. കലാവിഭാഗം സെക്രട്ടറി സ്വാതി പ്രമോദ് കലാസാംസ്കാരിക പരിപാടിയിൽ ഭാഗഭാക്കായ എല്ലാപേർക്കും നന്ദി രേഖപ്പെടുത്തി.
