ബഹ്‌റൈൻ യാത്ര സമിതി പുനഃസംഘടിപ്പിച്ചു.

 ബഹ്‌റൈൻ :- യാത്ര വിഷയങ്ങൾക്കായി ബഹ്‌റൈനിൽ പ്രവർത്തിച്ചുവരുന്ന യാത്ര അവകാശ സംരക്ഷണ സമിതി ജനറൽ ബോഡി യോഗം സിഞ്ചിലെ ഫ്രണ്ട്‌സ് സോഷ്യൽ അസോസിയേഷൻ ഹാളിൽ  ചേർന്നു. യാത്രാ നിരക്ക് കുറയ്ക്കുന്നതിൽ പ്രവാസികൾക്ക് അനുകൂലമായ തീരുമാനം കേന്ദ്ര – സംസ്ഥാന സർക്കാരുകളിൽ നിന്നും, എയർ ഇന്ത്യയിൽ നിന്നും  ഇനിയും വരേണ്ടതുണ്ടെന്നു യോഗം വിലയിരുത്തി.  മൃതദേഹം തൂക്കി വിലനിശ്ചയിക്കുന്ന എല്ലാ വിമാനക്കമ്പനികളുടെ രീതിയും ഒഴിവാക്കുവാനും, എയർ ഇന്ത്യയിൽ ആനുകൂല്യം ലഭിക്കുവാനും,  ആദ്യമായി വിദേശത്തേക്ക് യാത്ര പുറപ്പെടുന്ന ഏവർക്കും 350 രൂപ നൽകിയാൽ , മരണമടയുന്ന പ്രവാസികളുടെ കുടുംബത്തിന് 10 ലക്ഷം രൂപ ലഭിക്കുന്ന സ്കീം എല്ലാവർക്കുമായി നടപ്പാക്കാനും വേണ്ടി പ്രശസ്ത സാമൂഹിക പ്രവർത്തകൻ അഷ്‌റഫ് താമരശ്ശേരി സുപ്രീം കോടതിയിൽ ഫയൽ ചെയ്ത കേസിൽ പങ്കാളി ആകുവാൻ യാത്ര സമിതി  ആഹ്രഹിക്കുന്ന വിവരം അഷ്‌റഫ് താമരശ്ശേരിയെ യോഗത്തിനിടയിൽ അറിയിച്ചു.  സുപ്രീം കോടതിയിൽ പ്രസ്തുത കേസ് ഫയൽ ചെയ്ത വക്കീലുമായി ഇത് സംബന്ധിച്ച് ചർച്ച തുടരുന്നതാണ്. പങ്കെടുത്ത മുഴുവൻ അംഗങ്ങളും സജീവമായി ചർച്ചയിൽ പങ്കെടുക്കുകയും  കഴിഞ്ഞകാല റിപ്പോർട്ട് അംഗീകരിച്ചു പുതിയ കമ്മിറ്റിക്കു  രൂപം നൽകി.