മസ്കത്ത്: ഹൃദയാഘാതത്തെ തുടർന്ന് മാഹി പള്ളൂർ സ്വദേശി ഒമാനിലെ സഹമിൽ കുഴഞ്ഞുവീണ് മരിച്ചു.സഹം അൽ ഈസ സൂപ്പർ മാർക്കറ്റിലെ വാച്ച് കൗണ്ടറിലെ ജീവനക്കാരൻ പറമ്പത്ത് ശംസീർ (24) ആണ് മരിച്ചത്. രണ്ടര മാസം മുമ്പാണ് ഇദ്ദേഹം ഒമാനിലെത്തിയത്.തിങ്കളാഴ്ച രാത്രി ഭക്ഷണം കഴിച്ചശേഷം മാതൃസഹോദരിയുടെ മകന്റെ മുറിയിൽ ഇരിക്കുമ്പോൾ ശാരീരികാസ്വാസ്ഥ്യമുണ്ടായി കുഴഞ്ഞുവീഴുകയായിരുന്നു. ഉടൻ സമീപത്തെ ആശുപത്രിയിൽ പ്രവേശിപ്പിച്ചെങ്കിലും അൽപ സമയത്തിനുശേഷം മരിച്ചു. വാഴയിൽപ്പൊയിൽ യൂസുഫിന്റെയും പറമ്പത്ത് സഫിയയുടെയും മകനാണ് ശംസീർ.ഖബറടക്കം ഇന്ന് ചൊക്ലി മഹല്ല് ജുമാമസ്ജിദ് ഖബർസ്ഥാനിൽ നടന്നു.
