ദോഹ: ലോകകപ്പിനോടനുബന്ധിച്ച് വീടുകളും സ്ഥാപനങ്ങളും അലങ്കരിക്കുന്നതിനുള്ള സീന രജിസ്‌ട്രേഷൻ തീയതി നീട്ടിയാതായി അധികൃതർ അറിയിച്ചു. സ്‌കൂൾ, സർവകലാശാല എന്നിവയ്ക്ക് സെപ്തംബർ 30 വരെയും മറ്റു വിഭാഗങ്ങൾക്ക് 15 വരെയും രജിസ്റ്റർ ചെയ്യാനുള്ള സൗകര്യമുണ്ടാകും.
അഷ്‌ഗലിന് കീഴിലെ ബ്യൂട്ടിഫേക്കഷൻ ഓഫ് റോഡ്‌സ് ആൻഡ് പബ്ലിക് പ്ലേസസ് സൂപ്പർവൈസറി കമ്മിറ്റി വിവിധ തലങ്ങളിലായാണ് മത്സരങ്ങൾ നടത്തുന്നത്. സ്‌കൂൾ, സർവകലാശാല എന്നിവയ്ക്ക് സെപ്തംബർ 30 വരെയും കിന്റർഗാർട്ടനുകൾ, മുനിസിപ്പാലിറ്റികൾ, സർക്കാർ-സ്വകാര്യ സ്ഥാപനങ്ങൾ എന്നിവയ്ക്ക് 15 വരെയും രജിസ്റ്റർ ചെയ്യാനുള്ള സമയം നീട്ടി നൽകിയിട്ടുണ്ട്. നന്നായി അലങ്കരിക്കുന്ന സ്ഥാപനങ്ങൾക്ക് പ്രൈസ്മണിയും പ്രശസ്തി പത്രവുമാണ് സമ്മാനം.
