മസ്കറ്റ്: ഇന്ത്യൻ മീഡിയാഫോറം മസ്കത്ത് ചാർേട്ടഡ് വിമാന സർവീസ് നടത്തുന്നു. മസ്കത്തിൽ നിന്ന് കോഴിക്കോടിനും തിരിച്ച് മസ്കത്തിലേക്കും സർവീസ് ഉണ്ടാകും. അൽ ഹിന്ദ് ട്രാവൽസുമായി സഹകരിച്ചാണ് മലയാളികൾക്ക് നാട്ടിലെത്താനും അവധിക്ക് പോയി കുടുങ്ങിയവർക്ക് തിരികെ ഒമാനിലെത്താനും അവസരമൊരുക്കുന്നത്. കുറഞ്ഞ നിരക്കിലായിരിക്കും സർവീസ് നടത്തുകയെന്ന് ബന്ധപ്പെട്ടവർ അറിയിച്ചു. മസ്കത്തിലേക്ക് വരുന്നവർക്ക് ആവശ്യമായ അനുമതികൾ വാങ്ങി നൽകുകയും ചെയ്യും. നിങ്ങൾ നാട്ടിലേക്ക് മടങ്ങാനും നാട്ടിലുള്ള സുഹൃത്തുക്കളിലൊരാൾക്ക് ഒമാനിലേക്ക് വരുകയും ചെയ്യണമെന്നുണ്ടെങ്കിൽ രണ്ട് പേർക്ക് കൂടിയുള്ള സൗഹൃദ ഫെയർ ലഭ്യമാക്കുമെന്നും ഐ.എം.എഫ് ഭാരവാഹികൾ അറിയിച്ചു. കൂടുതൽ വിവരങ്ങൾക്ക് ഫോൺ 91780111, 97343431 എന്നീ നമ്പറുകളിൽ ബന്ധപ്പെടണം.
