ബഹ്റൈൻ : ഇന്ത്യൻ ഓവർ സീസ് കോൺഗ്രസ് ബഹ്റൈൻ ചാപ്റ്റർ മഹാത്മാ ഗാന്ധി യുടെ നൂറ്റി അൻപത്തി ഒന്നാം ജന്മ വാർഷികം ആഘോഷിച്ചു . ഒഐസിസി ചെയർമാൻ സാം പിട്രോഡ വെബിനാർ ഉൽഘാടനം ചെയ്തു . ബഹറിനിലെ മുൻ മന്ത്രിയായ അബ്ദുൽ നബി അൽഷോല രചിച്ച മഹാത്മാഗാന്ധിയെ കുറിച്ചുള്ള പുസ്തകം സാം പിട്രോഡ ഓൺലൈൻ സെമിനാറിൽ പ്രകാശനം ചെയ്തു . ഗാന്ധിജയന്തി ദിനം അന്താരാഷ്ട്ര അഹിംസ ദിനമായി ആഘോഷിക്കാൻ തീരുമാനിച്ചത് അഹിംസയുടെ തത്ത്വത്തെ ഊട്ടിയുറപ്പിക്കുന്നതായി അബ്ദുൽനബി അൽഷോല പറഞ്ഞു. മുതിർന്ന കോൺഗ്രസ് നേതാവ് ഓസ്കാർ ഫെർണാഡസ് , ഐ ഓ സി ബഹ്റൈൻ പ്രസിഡന്റ് മുഹമ്മദ് മൻസൂർ ഐ ഓ സി മിഡ്ഡിൽ ഈസ്റ്റ് ഇൻ ചാർജ് ഡോക്ടർ ആരതി കൃഷ്ണ , ഐഒസി ചുമതലയുള്ള ഹിമാൻസു വ്യാസ് എന്നിവർ വെബ്ബിനാറിൽ സംസാരിച്ചു . മറ്റു ഐഒസി നേതാക്കളും അംഗങ്ങളും വെബ്ബിനാറിൽ പങ്കെടുത്തു
