ദുബായ് : അൽ ഐനിൽ തോക്ക്ഉപയോഗിച്ച് കുടുംബത്തിലെ മൂന്ന് പേരെ കൊന്ന യുവാവിനെ അബുദാബി പോലീസ് അറസ്റ്റ് ചെയ്തു. പ്രതികളെ പബ്ലിക് പ്രോസിക്യൂഷന് സമീപിക്കാനുള്ള എല്ലാ നടപടികളും പുരോഗമിക്കുകയാണെന്ന് അധികൃതർ അറിയിച്ചു. അബുദാബി പോലീസ് അറസ്റ്റ് പ്രഖ്യാപിച്ചെങ്കിലും സംഭവത്തിന്റെ കൂടുതൽ വിവരങ്ങൾ പുറത്തുവിട്ടിട്ടില്ല.പ്രതിയെ പബ്ലിക് പ്രോസിക്യൂഷനിലേക്ക് റഫർ ചെയ്യുന്നതിനുള്ള എല്ലാ നടപടിക്രമങ്ങളും പൂർത്തിയായിക്കൊണ്ടിരിക്കുകയാണ്, അബുദാബി പോലീസ് സാമൂഹ്യമാധ്യമം മുഖേനെ അറിയിച്ചു. പുരുഷന്റെ പ്രായമോ ദേശീയതയോ പുറത്തുവിട്ടിട്ടില്ല.ഇതുപോലുള്ള സംഭവങ്ങൾ യുഎഇയിൽ വളരെ അപൂർവമാണ്, ആയുധ ഉടമസ്ഥാവകാശം കർശനമായി നിയന്ത്രണവും അധികൃതർ ഏർപ്പെടുത്തിയിട്ടുണ്ട്. ഇതിന് മുൻപ് വന്ന പഠനങ്ങൾ അനുസരിച്ച് യുദ്ധം, വ്യക്തിസുരക്ഷ, പ്രകൃതി ദുരന്തം എന്നിവ അടിസ്ഥാനത്തിൽ ലോകത്തിലെ ഏറ്റവും സുരക്ഷിതമായ രണ്ടാമത്തെ രാഷ്ട്രമായിയാണ് യുഎഇയെ കണക്കാക്കുന്നത്. അതുകൊണ്ട് തന്നെ ഇത്തരം പ്രവണതകൾക്കെതിരെ യൂഎഇ ഗവണ്മെന്റ് ഉടൻ തന്നെ നടപടികൾ സ്വീകരിക്കാൻ ഒരുങ്ങുകയാണ്.
