മനാമ: ബഹ്‌റൈൻ സെന്റ് മേരീസ് ഇന്ത്യൻ ഓർത്തഡോക്സ് കത്തീഡ്രലിലെ പുതുവത്സര ശുശ്രൂഷയും 2022 വര്‍ഷത്തിലെ പുതിയ ഭാരവാഹികളുടെ സ്ഥാനാരോഹണ ചടങ്ങും നടന്നു. ഇടവക വികാരി റവ. ഫാദര്‍ ബിജു ഫീലിപ്പോസ് കാട്ടുമറ്റത്തിലിന്റെ മുഖ്യകാര്‍മികത്വത്തിലും സഹവികാരി റവ. ഫാദര്‍ സുനില്‍ കുര്യന്‍ ബേബിയുടെ സഹകാര്‍മികത്വത്തിലും ആണ‍് പുതുവത്സര ശുശ്രൂഷ നടന്നത്. കത്തീഡ്രലിന്റെ 2022 വര്‍ഷത്തെ ട്രസ്റ്റിയായി ശാമുവേല്‍ പൗലോസും സെക്രട്ടറിയായി ബെന്നി വര്‍ക്കിയും ഒപ്പം പതിനാല‍് കമ്മറ്റി അംഗങ്ങളും എക്സ് ഒഫിഷോ, ഓഡിറ്റര്‍ എന്നിങ്ങനെ ഒരു കമ്മറ്റിയാണ്‌ സ്ഥാനമേറ്റത്. മലങ്കര ഓര്‍ത്തഡോക്സ് സഭയുടെ ബോംബേ ഭദ്രാസനാധിപന്‍ അഭിവന്ദ്യ ഗീവര്‍ഗീസ് മാര്‍ കൂറിലോസ് മെത്രാപ്പോലീത്ത പുതിയ ഭാരവാഹികള്‍ക്ക് അനുമോദനങ്ങള്‍ നേരുകയും ചെയ്തു.
