ബഹ്‌റൈൻ :വയനാട് വാകേരി ശിഹാബ് തങ്ങൾ ഇസ്‌ലാമിക് അക്കാദമിയുടെ പ്രചാരണാർത്ഥംബഹ്‌റൈനിൽ എത്തിയഎസ് കെ എസ് എസ് എഫ് സംസ്ഥാന പ്രസിഡണ്ടായി വീണ്ടും തെരഞ്ഞെടുക്കപ്പെട്ട പാണക്കാട് സയ്യിദ് ഹമീദലി ശിഹാബ് തങ്ങൾക്ക് നൽകപ്പെടുന്ന സ്വീകരണവും പ്രാർത്ഥനാ സദസ്സും വെള്ളി രാത്രി 8.30 ന് മനാമ സമസ്ത ഓഡിറ്റോറിയത്തിൽ നടക്കും വാകേരി ശിഹാബ് തങ്ങൾ ഇസ്‌ലാമിക് അക്കാദമി ബഹ്‌റൈൻ ചാപ്റ്റർ കമ്മിറ്റിയാണ് സ്വീകരണം സംഘടിപ്പിക്കുന്നത്
സമസ്ത ബഹ്‌റൈൻ സ്റ്റേറ്റ് പ്രസിഡണ്ട് സയ്യിദ് ഫഖ്‌റുദ്ധീൻ തങ്ങൾ ഉദ്ഘാടനം ചെയ്യും കെ എം സി സി വർക്കിംഗ് പ്രസിഡന്റ് കുട്ടൂസ മുണ്ടേരി,സമസ്ത ബഹ്‌റൈൻ ട്രഷറർ അബ്ദുൽ വാഹിദ്, റോണ കരീം ഹാജി, വയനാട് ഗ്ലോബൽ കെ എം സി സി ജനറൽ സെക്രട്ടറി അസീസ് കോറോം, കെ എ നാസർ മൗലവി തുടങ്ങിയവർ പങ്കെടുക്കും
2009 ൽ പാണക്കാട് സയ്യിദ് മുഹമ്മദലി ശിഹാബ് തങ്ങളുടെ സ്മരണക്കായി വയനാട് വാകേരിയിൽ സ്ഥാപിതമായ ശിഹാബ് തങ്ങൾ അക്കാദമിയുടെ പ്രസിഡണ്ട് കൂടിയായ ഹമീദലി തങ്ങൾ ഫെബ്രുവരി 27 വരെ വിവിധ പരിപാടികളിൽ സംബന്ധിക്കും ചെമ്മാട് ദാറുൽ ഹുദാ ഇസ്‌ലാമിക് അക്കാദമിയുടെ അഫിലിയേഷൻ ലഭിച്ച വയനാട് ജില്ലയിലെ ഏക സ്ഥാപനമായ ശിഹാബ് തങ്ങൾ അക്കാദമിയിൽ 6 ബാച്ചിലായി 193 കുട്ടികൾ പഠനം നടത്തുന്നുണ്ട് അഞ്ചാം ക്ലാസ് കഴിഞ്ഞ 12 വയസ്സിൽ കവിയാത്ത കുട്ടികൾക്ക് അഡ്മിഷൻ നൽകി 12 വർഷം കൊണ്ട് മത-ഭൗതിക പരമായി പി ജി കഴിയുന്ന ബഹു ഭാഷാ പണ്ഡിതന്മാരെ സമൂഹത്തിന്ന് സമർപ്പിക്കുക എന്നതാണ് സ്ഥാപനത്തിന്റെ ലക്ഷ്യം
