മനാമ : ബഹ്‌റൈൻ കേരള നേറ്റീവ് ബോൾ ഫെഡറേഷന്റെ ആഭിമുഖ്യത്തിൽ മഹിമ ഇലക്ട്രിക്കൽസ് ഏവറോളിംഗ് ട്രോഫിക്ക് വേണ്ടിയുള്ള ഒന്നാമത് 20/20 നാടൻ പന്ത് കളി മത്സരം 11/03/2022 വെള്ളിയാഴ്ച്ച 2 മണിക്ക് സിഞ്ച് മൈതാനിയിൽ ആരംഭിക്കും. ബഹ്‌റൈൻ കേരള സമാജം ജനറൽ സെക്രട്ടറി ശ്രീ. വർഗീസ് കാരയ്ക്കൽ ടൂർണമെന്റ് ഉത്ഘാടനം ചെയ്യും. കേരള സമാജം മുൻ ജനറൽ സെക്രട്ടറി ശ്രീ. M P രഘു ടൂർണമെന്റിന് നാന്ദി കുറിച്ചുകൊണ്ട് പതാക ഉയർത്തും. O I C C ദേശീയ പ്രസിഡന്റ് ശ്രീ. ബിനു കുന്നന്താനം ഉൾപ്പെടെ നിരവധി സാമൂഹിക സാംസ്‌കാരിക നേതാക്കൾ ഉത്ഘടന ചടങ്ങിൽ പങ്കെടുക്കും എന്ന് BKNBF പ്രസിഡന്റ് ശ്രീ. റെജി കുരുവിള, സെക്രട്ടറി ശ്രീ. സാജൻ തോമസ് എന്നിവർ വാർത്താ കുറിപ്പിൽ അറിയിച്ചു.2.30 pm ന് ആരംഭിക്കുന്ന ഉത്ഘടന മത്സരത്തിൽ കോട്ടയം പ്രവാസി ഫോറം × കമ്പംമേട് ടീമിനേയും, 3.30 pm ന് നടക്കുന്ന രണ്ടാം മത്സരത്തിൽ തോട്ടയ്ക്കാട് × മീനടം ടീമിനേയും നേരിടും.പവിഴ ദ്വീപിലെ എല്ലാ നാടൻ പന്ത് കളി പ്രേമികളേയും സിഞ്ച് മൈതാനിയിലേക്ക് ഹാർദ്ദവമായി സ്വാഗതം ചെയ്യുന്നു.
