ബഹ്‌റൈൻ -സൽമാബാദ് : ഐവൈസിസി ട്യൂബ്ലി – സൽമാബാദ് ഏരിയ കമ്മിറ്റിയുടെ ആഭിമുഖ്യത്തിൽ പ്രവർത്തക സംഗമവും, മെഡിക്കൽ ക്യാമ്പും സംഘടിപ്പിച്ചു. സൽമാബാദ് അൽ ഹിലാൽ ഹോസ്പിറ്റലിന്റെ ഹാളിൽ വച്ച് നടന്ന ചടങ്ങ് ദേശീയ പ്രസിഡന്റ്‌ ജിതിൻ പരിയാരം ഉദ്‌ഘാടനം ചെയ്യ്തു. ഏരിയാ കമ്മറ്റി പ്രസിഡന്റ്‌ മഹേഷ്‌ ടി മാത്യു അധ്യക്ഷത വഹിച്ച ചടങ്ങിൽ കോഴിക്കോട് ജില്ലാ കോൺഗ്രസ്‌ കമ്മറ്റി പ്രസിഡന്റ്‌ അഡ്വ: പ്രവീൺ കുമാർ മുഖ്യാധിതിയായിരുന്നു. കോൺഗ്രസ്‌ മെമ്പർഷിപ് ക്യാംബയിന്റെ ഉദ്‌ഘാടനവും അദ്ദേഹം നിർവഹിച്ചു. സംഘടനാ എക്സിക്യൂട്ടീവ് മെമ്പർ ബിനു പുത്തൻ പുരയിൽ “മതേതര ഇന്ത്യയും, കോൺഗ്രസും” എന്ന വിഷയത്തിൽ മുഖ്യപ്രഭാഷണം നടത്തി. സാമൂഹിക പ്രവർത്തകൻ ബഷീർ അമ്പലായി, സംഘടനാ ദേശീയ ജനറൽ സെക്രട്ടറി ബെൻസി ഗനിയുട്, ദേശീയ ട്രെഷറർ വിനോദ് ആറ്റിങ്ങൽ തുടങ്ങിയവർ പരിപാടിക്ക് ആശംസ അർപ്പിച്ചു സംസാരിച്ചു.
“പ്രവാസികളിലെ മാനസികാരോഗ്യം” എന്ന വിഷയത്തിൽ സംഘടനയിലെ മുതിർന്ന അംഗവും പ്രശസ്ത കൗൺസിലറുമായ മുഹമ്മദ്‌ റഫീഖ് ക്ലാസ് എടുത്തു. ഏരിയ കമ്മിറ്റി നടത്തിയ ക്രിസ്മസ് പുൽക്കൂട് മത്സര വിജയികൾക്കുള്ള സമ്മാനദാനവും ചടങ്ങിൽ വച്ച് നടത്തപ്പെട്ടു. പരുപാടിയിൽ കലപ്രകടനങ്ങൾ അവതരിപ്പിച്ച രാജേഷ് പെരുങ്ങുഴി, ദിൽഷാദ് രാജ്, അർഹിത അനിൽകുമാർ, ലക്ഷ്മി രോഹിത്, ഹർഷിത, അർപ്പിത, സിൽവിയ തുടങ്ങിയവർക്ക് ഉപഹാര വിതരണവും നടന്നു.അൽ ഹിലാൽ ഹോസ്പിറ്റലുമായി സഹകരിച്ചു സൗജന്യ മെഡിക്കൽ ചെക്കപ്പും പരിപാടിയിൽ വരുന്നവർക്കായി സംഘാടകർ ഒരുക്കിയിരുന്നു. അവതാരിക രമ്യ പരിപാടികൾ നിയന്ത്രിച്ചു. പരിപാടിക്ക് സാദത് കരിപ്പാകുളം സ്വാഗതവും, ഷാഫി വയനാട് നന്ദിയും പറഞ്ഞു.
