ബഹ്‌റൈൻ : ഇന്ത്യൻ കമ്മ്യൂണിറ്റി റിലീഫ് ഫണ്ട് (ICRF) ലേബർ മാർക്കറ്റ് റെഗുലേറ്ററി അതോറിറ്റിയുമായി (LMRA) സഹകരിച്ച് ഇന്ത്യൻ പ്രവാസി സമൂഹത്തിൽ അവബോധം സൃഷ്ടിക്കുന്നതിനായി LMRA ബോധവൽക്കരണ പരിപാടി സംഘടിപ്പിക്കുന്നു. 2022 ജൂലൈ 29 വെള്ളിയാഴ്ച ഇന്ത്യൻ ക്ലബ്ബിൽ വൈകുന്നേരം 7.30 മുതൽ 8.30 വരെ പരിപാടി നടക്കും.കമ്മ്യൂണിറ്റി അംഗങ്ങൾ ഉന്നയിക്കുന്ന തൊഴിൽ പ്രശ്‌നങ്ങളുമായി ബന്ധപ്പെട്ട വിവിധ ചോദ്യങ്ങൾ എൽഎംആർഎ പ്രതിനിധി പരിഹരിക്കുന്ന ചോദ്യോത്തര സെഷൻ പരിപാടിയിൽ ഉണ്ടായിരിക്കും.
ഇന്ത്യൻ അംബാസഡർ പിയൂഷ് ശ്രീവാസ്തവ മുഖ്യാതിഥിയായി പങ്കെടുക്കും, LMRA ഗ്രീവൻസ് ആൻഡ് പ്രൊട്ടക്ഷൻ ഡയറക്ടർ ഷെറീൻ ഖലീൽ അൽ സാത്തി പരിപാടിയുടെ വിശിഷ്ടാതിഥിയാകും.
