ബഹ്‌റൈൻ :ബഹ്‌റൈനിലെ പ്രമുഖ സാംസ്‌കാരിക സംഘടനയായ കേരള കാത്തലിക് അസോസിയേഷൻ കെ .സി .എ ബിയോൺ മണി ഓണം പൊന്നോണം 2022 പവെർഡ് ബൈ ബി.എഫ് .സി എന്ന പേരിൽ ഓണാഘോഷം സംഘടിപ്പിക്കുന്നു .ഇന്ന് നടന്ന കമ്മറ്റിയിൽ എക്സിക്യൂട്ടീവ് കമ്മറ്റി അംഗങ്ങളും ,സംഘാടക സമിതി അംഗങ്ങളും കെ .സി എയുടെ മുതിർന്ന അംഗങ്ങളും പങ്കെടുത്തു.വിവിധ സാംസ്‌കാരിക പരിപാടികളും മത്സരങ്ങളും ഉൾപ്പെടെ ആസ്വാദകർക്ക് ദൃശ്യ വിരുന്നാകുന്ന ഓണാഘോഷ പരിപാടികൾ 2022 സെപ്റ്റംബർ 2 ന് ആരംഭിച്ച് സെപ്റ്റംബർ16 ന് സ്വാദിഷ്ടമായ സദ്യയോട് കൂടെ പര്യവസാനിക്കും .2022 സെപ്റ്റംബർ 2 ന് വെള്ളിയാഴ്ച ഉദ്‌ഘാടന പരിപാടിയോടെ ആഘോഷങ്ങൾക് തുടക്കംകുറിക്കും.അനാഥകുട്ടികളുടെ പിതാവ് എന്നറിയപ്പെടുന്ന ശ്രീ ഖലീൽ അൽ ദൈലാമി(ബാബ ഖലീൽ )ഉദ്‌ഘാടന ചടങ്ങുകളുടെ മുഖ്യഅതിഥിയായെത്തും ഇന്ത്യയിലെ ദേശിയ -സംസ്ഥാന അവാർഡ് ജേതാവ് ശ്രീ ഫ്രാൻസിസ് ആന്റണി കോടങ്കണ്ടത്ത് ,ഐ.ആർ .എസ് വിശിഷ്ടാതിഥിയായി പങ്കെടുക്കും .ഉദ്‌ഘാടന വേദിയിൽ ശ്രീ രാഹുൽ രാജുവും സംഘവും അവതരിപ്പിക്കുന്ന വയലിൻ മിമിക്രിയും ഇൻസ്ട്രുമെന്റ് മ്യൂസിക് ഫ്യൂഷനും ഉണ്ടാകും .ഓപ്പൺ ടു ആൾ കാറ്റഗറിയിലുമായി വിവിധ ഇനം മത്സരം സംഘടിപ്പിക്കും .ബഹ്‌റൈൻ പ്രവാസികൾക്ക് ആയി നടത്തുന്ന പായസ മത്സരം 2022 സെപ്റ്റംബർ3 ന് കെ .സി എ അങ്കണത്തിൽ വെച്ച് നടത്തും 5 ന് ഓണപ്പാട്ടുമത്സരവും ,6 ന് പ്ലേയിഗ് കാർഡ് മത്സരം,9 ന് വടംവലി മത്സരം സംഘടിപ്പിക്കും.പരമ്പരാഗത വസ്ത്രധാരണ മത്സരമായ തനി മലയാളി മത്സരം 2022 സെപ്റ്റംബർ 13 ന് നടക്കും .15 ന് നടക്കുന്ന ഗ്രാൻഡ് ഫിനാലെ പരിപാടിയിൽ കേരളത്തിലെ പ്രശസ്ത വയലിനിസ്റ്റ് അപർണ ബാബു നയിക്കുന്ന സംഗീത വിരുന്നുഉണ്ടാകും .16 ന് ഓണസദ്യ കെ .സി എ ഹാളിൽ നടക്കുമെന്ന് അധികൃതർ അറിയിച്ചു.കെ .സി എ പ്രസിഡന്റ് റോയ് സി ആന്റണി ,ജിൻസൺ പുതുശ്ശേരി ,സേവി മാത്തുണ്ണി ,ഷിജു ജോൺ ,മനോജ് മാത്യു ,ബാബു വർഗീസ് ,ജൂലിയറ്റ് തോമസ് ,തോമസ് ജോൺ ,ഷൈനി നിത്യൻ ,ജോഷി വിതയത്തിൽ ,അജി പി ജോയ് എന്നിവരാണ് പരിപാടിക്ക് നേതൃത്വം നൽകുന്നത് .ഇന്ന് നടന്ന കമ്മറ്റിയിൽ എക്സിക്യൂട്ടീവ് കമ്മറ്റി അംഗങ്ങളും ,സംഘാടക സമിതി അംഗങ്ങളും കെ .സി എയുടെ മുതിർന്ന അംഗങ്ങളും പങ്കെടുത്തു.
