ഒമാൻ : കൊല്ലം പ്രവാസി അസോസിയേഷൻ ഒമാന്റെ നേതൃത്വത്തില്‍ ചിങ്ങനിലാവ് 2022 ഓണാഘോഷം ഒക്ടോബർ 7 വെള്ളിയാഴ്ച നടന്നു. വിവിധ കലാ കായിക മത്സരങ്ങള്‍, വടംവലി, ഓണസദ്യ, വമ്പിച്ച ലേലംവിളി അടക്കം കേരള തനിമ അല്‍പ്പം പോലും ചോര്‍ന്നുപോകാതെ ഓണാഘോഷം കൊണ്ടാടി. ഇന്ത്യൻ സോഷ്യൽ ക്ലബ് മലയാളം വിഭാഗം കൺവീനർ ശ്രീ. ശ്രീകുമാര്‍ ഭദ്രദീപം തെളിയിച്ച് പരിപാടികള്‍ക്ക് തുടക്കം കുറിച്ചു. കേരള വിഭാഗം ശ്രീ. തങ്കംകവിരാജ്, മലബാർ വിഭാഗം ശ്രീ. സിദ്ദിഖ്‌ ഹസ്സന്‍, മാൽവാ വിഭാഗം ശ്രീ. അനില്‍, ആക്സിഡന്റ് ആന്റ് ഡിമയിസസ് ചെയർമാൻ ശ്രീ.നജീബ് എന്നിവർ പരിപാടിയില്‍ പങ്കെടുത്തു. കഴിഞ്ഞ അധ്യയന വര്‍ഷം മികച്ച വിജയം നേടിയ കുട്ടികളെ ആദരിച്ചു. മുന്നൂറിലധികം അംഗങ്ങളുള്ള കൊല്ലം സ്വദേശികളായ പ്രവാസികളുടെ കൂട്ടായ്മ നിരവധി സാമൂഹിക കാരുണ്യ പ്രവര്‍ത്തനങ്ങള്‍ നടത്തിവരുന്നു. വളരേ കുറഞ്ഞ നാളുകള്‍ക്കുള്ളില്‍ മികച്ച ഒരു സാമൂഹിക സംഘടനയായി വളരാൻ കൊല്ലം പ്രവാസി അസോസിയേഷന് കഴിഞ്ഞു എന്ന് പ്രസിഡന്റ് ശ്രീ. കൃഷ്ണേന്ദു പറഞ്ഞു. ജനറല്‍ സെക്രട്ടറി ശ്രീ. ഷഹീർ അഞ്ചല്‍, ട്രഷറർ ശ്രീ. ജാസ്മിൻ യൂസുഫ്, വൈസ് പ്രസിഡന്റ് ശ്രീ. രതീഷ്, സെക്രട്ടറി ശ്രീ. ബിജു എന്നിവർ പരിപാടികള്‍ക്ക് നേതൃത്വം നല്‍കി.
