ഒമാൻ, സഹം: കൈരളി സഹം ഓണം ഈദ് ഉത്സവ് 2022 എന്നപേരിൽ ഈ വർഷത്തെ ഓണം ഈദ് ആഘോഷ പരിപാടി ഒക്ടോബർ 28. വെള്ളിയാഴ്ച സഹമിലെ
സ്പോർട്സ് ഹാളിൽ അരങ്ങേറും ഓണാസദ്യയും മറ്റു കലാപരിപാടികളുമായി
നടത്തുന്ന പരിപാടി കാലത്ത് 10 മണിക്ക് ആരംഭിക്കും മാവേലി വരവ്,
തിരുവാതിരക്കളി, ഡാൻസ്, സിനിമ ഗാനങ്ങൾ നാടൻ പാട്ട് സിനിമാറ്റിക്
ഡാൻസ് മാപ്പിള പാട്ട് എന്നിങ്ങനെ വൈവിദ്ധ്യ മാർന്ന കലാപരിപാടികളും കൂടാതെ വടം വലി കസേരകളി എന്നിങ്ങനെ നിരവധി മത്സരങ്ങളും അരങ്ങേറും.
പോയ വർഷങ്ങളിൽ ഓണം ഈദ് ആഘോഷങ്ങൾ സമുചിതമായി ആഘോഷിക്കാറുണ്ടെങ്കിലും കൊറോണ കാലങ്ങളിൽ പരിപാടികൾ സംഘടിപ്പിച്ചിരുന്നില്ല കൊറോണയ്ക്ക് ശേഷം വരുന്ന ആഘോഷം ഭംഗിയായി നടത്താനാണ് തീരുമാനം എന്ന് സംഘടകർ അറിയിച്ചു. അതിനുള്ള ഒരുക്കങ്ങൾ സ്പോർട്സ് ഹാളിൽ നടന്നു വരുന്നുണ്ടെന്ന് രക്ഷാധികാരി അനിൽ കുമാറും സെക്രട്ടറി അശോകനും പറഞ്ഞു.
