ദുബൈ:പയറിന്റെ രൂപത്തിൽ 436 കിലോ ലഹരിമരുന്ന് ദുബായിൽ എത്തിച്ച ആറുപേർ അറസ്റ്റിൽ.അന്താരാഷ്ട്ര ലഹരിക്കടത്ത് സംഘമാണ് ഇതിന് പിന്നിലെന്ന് പോലീസ് വ്യക്തമാക്കി.ദുബായിലെത്തിച്ച അഞ്ചര ടൺ പയറിന്റെ കൂട്ടത്തിൽ ലഹരിമരുന്നുണ്ടെന്ന് ലഭിച്ച രഹസ്യ വിവരത്തെത്തുടർന്ന് നടത്തിയ പരിശോധനയിലാണ് ഇവർ പിടിയിലായത്.ബ്രോഡ് ബീൻസ് പയറിന്റെ മാതൃകയിൽ പ്ലാസ്റ്റിക്കിൽപയറിന്റെ രൂപം സൃഷ്ടിച്ച് അതിലാണ് മയക്കുമരുന്ന് ഒളിപ്പിച്ചിരുന്നത്. 280 ചാക്കുകളിൽ ഇത് യഥാർത്ഥ പയറിനൊപ്പം കലർത്തിയാണ് പ്രതികൾ എത്തിച്ചത്. പോലീസ് നായ്ക്കളുടെ സഹകരണത്തോടെയാണ് വൻ ലഹരിവേട്ട നടത്തിയതെന്ന് അധികൃതർ പറഞ്ഞു.
