ബഹ്റൈൻ : പുതു വർഷത്തെ വരവേൽക്കാൻ ഒരുങ്ങി ബഹ്റൈൻ . ടൂറിസം ആന്റ് എക്സിബിഷൻസ് അതോറിറ്റിറിയുടെ നേതൃത്വത്തിൽ നിരവധി കാഴ്ചകളും വിനോദങ്ങളുമാണ് ഒരുക്കിയിരിക്കുന്നത് . ഹാർബർ റോ , അവന്യുസ് പാർക്ക്, മാറാസി ബീച്ച്, വാട്ടർ ഗാർഡൻ സിറ്റി എന്നിവിടങ്ങളിൽ നടത്തുന്ന കരിമരുന്ന് പ്രകടനം നടക്കും . അവന്യൂസ് പാർക്കിൽ രാത്രി 10 മുതൽ പുതുവത്സാരാഘോഷങ്ങൾക്ക് ആരംഭമാകും . ഡിജെ ലോറെൻസോയുടെ മാസ്മരിക പ്രകടനത്തിനൊപ്പം ത്രസിപ്പിക്കുന്ന ഡ്രോൺ ഷോയും മറ്റു തത്സമയ വിനോദ പരിപാടികളും ഇതോടൊപ്പം നടക്കും . സംഗീത പരിപാടി, ഭക്ഷണ സ്റ്റാളുകൾ തുടങ്ങിയവും ഇതോടൊപ്പം നടക്കും . അൽദാന ആംഫി തിയറ്ററിൽ മാർട്ടിൻ ഗാരിസ്കിന്റെ പ്രത്യേക പരുപാടി നടക്കും. വാട്ടർ ഗാർഡൻ സിറ്റിയിൽ കരിമരുന്ന് പ്രകടനത്തിന് പുറമേ, നിരവധി കലാപരിപാടികളും ഭക്ഷണ സ്റ്റാളുകളും ആസൂത്രണം ചെയ്തിട്ടുണ്ട് . ബഹ്റൈൻ ചരിത്രത്തിലെ തന്നെ ഏറ്റവും വലിയ പുതുവത്സരാഘോഷത്തിനുള്ള തയ്യാറെടുപ്പിലാണ് ടൂറിസം ആന്റ് എക്സിബിഷൻസ് അതോറിറ്റി.
