മനാമ: ഇക്കഴിഞ്ഞ പ്ലസ് ടു പരീക്ഷയിൽ സിബിഎസ്ഇ വിഭാഗത്തിൽ ബഹ്‌റൈനിലെ ഇന്ത്യൻ സ്കൂളിൽ നിന്നും ഏറ്റവും കൂടുതൽ മാർക്ക് നേടിയ വീണ വിജയകുമാറിനെ ബ്ലഡ് ഡോണേഴ്സ് കേരള (ബിഡികെ) ബഹ്‌റൈൻ ചാപ്റ്റർ അനുമോദിച്ചു. ബിഡികെയുടെ സജീവ പ്രവർത്തകരായ പാലക്കാട് സ്വദേശികളായ വിജയകുമാറിന്റെയും വിനീത വിജയകുമാറിന്റെയും മകളാണ് വീണ.അൽ റബീഹ് മെഡിക്കൽ സെന്റർ ഹാളിൽ നടന്ന അനുമോദന ചടങ്ങിൽ ബിഡികെ ചെയർമാൻ കെ. ടി. സലിം, പ്രസിഡണ്ട് ഗംഗൻ തൃക്കരിപ്പൂർ, ജനറൽ സെക്രട്ടറി റോജി ജോൺ, ട്രെഷറർ ഫിലിപ്പ് വർഗീസ്, എക്സിക്യൂട്ടീവ് കമ്മിറ്റി അംഗങ്ങൾ, അൽറബീഹ് മെഡിക്കൽ സെന്റർ ഡോക്ട്ടേർസ്, ജനറൽ മാനേജർ നൗഫൽ അടാട്ടിൽ, മാർക്കറ്റിങ് മാനേജർ ഷൈജാസ് ആലോകാട്ടിൽ, സാമൂഹിക പ്രവർത്തകൻ മനോജ് വടകര എന്നിവർ സന്നിഹിതരായിരുന്നു.
