ജിദ്ദ : ഗാന്ധി ദർശൻ സമിതി സംസ്ഥാന ചെയർമാനും കോൺഗ്രസ്സ് പാലക്കാട് ജില്ലയുടെ സാമൂന്നതനായ നേതാവും മുൻ ആരോഗ്യ വകുപ്പ് മന്ത്രികൂടിയായ വി സി കബീർ മാഷിനെ ഒ ഐ സി സി ജിദ്ദ റീജ്യണൽ കമ്മറ്റി പ്രസിഡന്റ് കെ ടി എ മുനീറിന്റെ നേതൃത്വത്തിൽ ജിദ്ദ ഇന്റർ നേഷ്ണൽ എയർപോർട്ടിൽ സ്വീകരിച്ചു. ഉംറ നിർവ്വഹിക്കാനായി ഈ പുണ്യ ഭൂമിയിൽ വീണ്ടും എത്തിപ്പെടാൻ സാധിച്ചതിൽ അതിയായ സന്തോഷമുണ്ട് എന്നും, കേരളത്തിൽ നിന്നും ജോലി തേടി വന്ന്, കിട്ടുന്ന ചുരുങ്ങിയ സമയം കൊണ്ട് സംഘടനാ പ്രവർത്തനങ്ങളിൽ സജീവമായി പ്രവർത്തന രംഗത്തുള്ളവരെ കാണുമ്പോൾ ഏറെ അഭിമാനമാണെന്നും ഫൈസ്ബുക്ക് ലൈവിലൂടെ നൽകിയ സന്ദേശത്തിലൂടെ അദ്ദേഹം പറഞ്ഞു. അദ്ദേഹത്തിന്റെ സെക്രട്ടറിമാരായ ഇല്യാസ് പാലക്കാട്, സാദിക്ക് എന്നിവരും കൂടെ ഉണ്ടായിരുന്നു.സൗദി വെസ്റ്റേൺ റീജ്യണൽ കമ്മറ്റി പ്രസിഡന്റ് കെ ടി എ മുനീറിനോപ്പം ഐ സി സിയുടെ സ്ഥാപക നേതാവ് അബ്ബാസ് ചെമ്പൻ, ഗ്ലോബൽ കമ്മറ്റി മെമ്പർ അലി തേക്ക്തോട്, ജിദ്ദ കമ്മറ്റി സെക്രട്ടറി മുജീബ് തൃത്താല, ഫൈസൽ തങ്ങൾ എന്നിവരും കൂടി ഷാൾ അണിയിച്ചു സ്വീകരിച്ചു. രണ്ടു ദിവസത്തെ മദീന സന്ദർശനവും, അഞ്ചു ദിവസത്തെ മക്ക സന്ദർശനവും ഉംറയും കഴിഞ്ഞ് ഇരുപത്തൊന്നിന് നാട്ടിലേക്ക് മടങ്ങുകയും ചെയ്യും.
